Bizge tıtýldy aıqastar kerek, al Golovkınniń tıtýly joq - «Kanelonyń» bapkeri

NUR-SULTAN. QazAqparat - Meksıkalyq boksshy Saýl Alvarestiń (52-1-2, 34 KO) jattyqtyrýshysy Eddı Reınoso qazaqstandyq boksshy Gennadıı Golovkınmen (39-1-1, 35 KO) bolýy múmkin úshinshi jekpe-jek jóninde pikir bildirdi, dep habarlaıdy Sports.kz.

Reınoso burynǵysha «Kanelo» tek qana tıtýldy jáne biriktirýshi aıqastarǵa ǵana shyǵýy kerek dep sanaıdy. Golovkınniń tıtýly joq bolǵandyqtan Alvarestiń komandasy onyń kandıdatýrasyn múlde qarastyrmaıdy.

«Bizge jańa aıqastar, iri tıtýldy jáne biriktirýshi jekpe-jekter qajet. Dál qazir Gennadıı Golovkındi qarsylas retinde kórip turǵan joqpyz», - dep málim etti Reınoso.

Esterińizge sala keteıik, GGG men «Kanelo» birinshi ret judyryqtasqanda teń túsken, al ekinshi aıqasta ádil qazy sheshimimen meksıkalyq boksshy jeńiske jetken bolatyn.