Bizge SOS Qazaqstannyń balalar aýyldary sııaqty mekemelerdi damytqan tıimdi - D. Nazarbaeva
ASTANA. 1 maýsym. QazAqparat - Biz úshin SOS Qazaqstannyń balalar aýyldary sııaqty mekemelerdi damytqan tıimdi.
Búgin «Samuryq - Qazyna» ulttyq ál-aýqat qory men «SOS Kinderdorf International» halyqaralyq kory arasyndaǵy yntymaqtastyq týraly memorandýmǵa qol qoıý rásimine qatysqan Parlament Májilisiniń depýtaty Darıǵa Nazarbaeva osylaı aıtty.
«Buǵan deıin ótken bir konferentsııada biz balalar úıi sııaqty mekemeler múldem bolmasa eken dep edik. Al balalardyń barlyǵy osy ispetti otbasyda (SOS Qazaqstannyń balalar aýyldary) tárbıe alsa, qandaı jaqsy. Sondyqtan biz, depýtattar, balalar aýyldary sııaqty mekemelerdi damytýdy barynsha qoldaıtyn bolamyz. Men osy jerdegi bir balaǵa jumsalatyn qarjy jaıynda da suradym. Sóıtsem, SOS Qazaqstannyń balalar aýyldarymen salystyrǵanda, qarapaıym balalar úılerinde bir balaǵa ketetin shyǵyn birneshe esege qymbat. Sondyqtan biz úshin SOS Qazaqstannyń balalar aýyldaryn damytý tıimdi. Osymen aınalysaıyq», - dedi D.Nazarbaeva.
