Bizge Irannyń, Pákistannyń kıim úlgileriniń keregi joq - Bas múftı

Bul týraly búgin Qazaqstan dintanýshylarynyń birinshi forýmynda Qazaqstan musylmandary dinı basqarmasynyń tóraǵasy, Bas múftı Sheıh Ábsattar qajy Derbisáli málim etti.

«Sońǵy keze qoǵamdy hıdjab máselesi tolǵandyryp júr. Bizdiń atalarymyz, analarymyz syrtyn jalańash, kindigin kórsetip júrmegen edi. Barlyǵy dinimizdiń talaptaryna saı oramal tartyp, kımeshek, uzyn kóılek kıdi»,-dep toqtala kele Bas múftı, «biraq bizdiń keıbir qyzdarymyz Pákistannyń, Irannyń kıimderin kıip alady. Biz bul turǵyda uzaq oılandyq. ıAǵnı órkenıetti jolmen buny qalaı sheshýge bolady dep zerdeledik»,-dedi.

Osy oraıda ol jaqynda Almatydaǵy «Balýan Sholaq» atyndaǵy sport saraıynda «Ásem kıim áıel kórki» atty baıqaý ótkizilgenin jetkizdi. «Oǵan kóptegen modelerler men dızaınerler qatysyp, bizdiń musylman qyz-kelinshekteri kıimderiniń úlgisin kórsettik. Onda kıim úlgileri usynyldy. Endi bul sharany jyl saıyn uıymdastyrmaqpyz»,-dedi qajy.

«Bizge Irannyń, Pákistannyń kıimderiniń keregi joq. Bizdiń halqymyz ózimizdiń ádep-ǵurpymyzǵa saı kıinýi tıis»,-dep túıindedi basqarma tóraǵasy.