Bizge hokkeıshiler rezervi qajet - bas bapker A.Homýtov
ASTANA. 6 aqpan. QazAqparat /Arman Asqarov/ - Biz balalar arasyndaǵy hokkeıdi damytýymyz qajet. Búgin Astanada 7- Qysqy Azııa oıyndary aıasynda ótken Qazaqstan-Japonııa kezdesýinen keıin baspasóz máslıhatyn ótkizgen qazaqstandyq hokkeıshilerdiń bas bapkeri Andreı Homýtov osylaı aıtty.
«Búgingi match kórsetkendeı, Qazaqstannyń qurama komandasynda ilgerileý bar. Sondyqtan osy jumysty jalǵastyra berý qajet. Al, eń bastysy, biz balalar arasyndaǵy hokkeıdi damytýymyz qajet. Sebebi bizde rezerv bolýy shart», - deıdi A.Homýtov.
Osy oraıda birneshe jyldan keıin shaıbaly hokkeıden Qazaqstannyń qurama komandasy joǵary dıvızıondarda óner kórsete alatyndyǵyna senim bildirgen ol: «Bunyń bári bolady. Bizdiń hokkeıshiler aldaǵy ýaqytta «A» sııaqty joǵary dıvızıondarda óner kórsetetin bolady. Biraq, taǵy qaıtalap aıtamyn, biz balalar arasyndaǵy hokkeıdi umytpaı, ony damytýǵa mindettimiz», - dedi.
