«Bizge damýdyń ınnovatsııadan basqa joly joq», - respýblıkalyq basylymdarǵa sholý

«Egemen Qazaqstan» gazetiniń búgingi sanynda «Tóraǵalyq dep osyny aıt!» degen taqyryppen EQYU Parlamenttik Assambleıasy Tóraǵasynyń orynbasary Aleksandr Kozlovskıı, EQYU Parlamenttik Assambleıasynyń qurmetti tóraǵasy Joao Soaresh jáne EQYU Parlamenttik Assambleıasy tóraǵasy­nyń orynbasary, senator Bendjamen Kardınmen aradaǵy blıts-suhbat jaryq kórdi. EQYU-nyń Іs basyndaǵy tóraǵasy, Qazaqstan Respýblıkasy­nyń Memlekettik hatshysy - Syrtqy ister mınıstri Qanat Saýdabaevtyń Norvegııa Koroldigine resmı sapary aıasynda oraıy kelgen suhbatty atalmysh maqaladan oqı alasyzdar.

«EQYU Іs basyndaǵy tóraǵasynyń sozylmaly janjaldardy retteý jónindegi arnaýly ókili, Elshi Bolat Nurǵalıev Prıdnestrove janjalyn retteý boıynsha "5+2" turǵysyndaǵy úderistiń jalǵasýyn quptap, resmı kelissózderdi qaıtadan bastaýǵa shaqyrdy», dep jazady «Egemen Qazaqstan» gazeti. «EQYU-nyń Venadaǵy hatshy­ly­ǵynda "5+2" turǵysyndaǵy eki kúndik beıresmı kezdesýge Moldova Respýblıkasy men Prıdnestrove taraptary, sondaı-aq Reseı Federatsııasy, Ýkraına, Amerıka Qurama Shtattary, Eýropalyq odaq jáne EQYU sekildi ara­aǵaıyn jáne baqylaýshy elder men uıymdardyń ókilderi qatysty. Oǵan qatysýshylar qa­zirgi saıası oqıǵalar men Mol­dova­daǵy, sol sekildi Prıdnes­trove­degi saılaýlar, kelissózder qyz­metinde úzilis týǵyzbaýǵa tıis degen ýaǵda­lastyqqa qol jetkizdi», delingen basylymnyń «Prıdnestrove boıynsha kelissózder», degen taqyryppen berilgen maqalasynda.

***
«Senat keshe balalar quqyn qorǵaýdy qamtamasyz etýge baǵyttalǵan zań jobasyn ekinshi oqylymda talqylap, birqatar túzetýlerimen Májiliske keri qaıtardy. Degenmen balalardy qorǵaýǵa qatysty, ásirese, pedofıldyq zorlyq-zombylyq jasaǵan qylmyskerge beriletin jaza, salatyn shekteý boıynsha joǵarǵy palatanyń pikiri ekige jaryldy», dep jazady «Alash aınasy» gazeti juma kúngi nómirinde. Bul materıal «Pedofıldardyń jazasy senatorlardyń mazasyn aldy» degen taqyryppen berilgen. Basylymnyń atap ótýinshe, zań jobasy kámeletke tolmaǵandardyń quqyqtaryn, bostandyqtaryn, múddelerin qorǵaý deńgeıin arttyrýdy maqsat tutyp otyr. Bul rette osy qujat arqyly basty úsh máseleni sheshý kózdelgen. Maqalanyń baıybyna barǵyńyz kelse, «Alash aınasy» gazetiniń búgingi sanyn qarańyz.

Osy basylymnyń turaqty «Dat!» aıdarynda «Turan» ýnıversıtetiniń rektory, QR Joǵary oqý oryndary qaýymdastyǵynyń prezıdenti, ekonomıka ǵylymynyń doktory, professor, akademık Rahman Alshanovtan alynǵan suhbat jarııalandy. «Bizge damýdyń ınnovatsııadan basqa joly joq», degen taqyryppen berilgen materıaldy. R. Alshanov: «Bizde 2 mıllıon adam óz-ózin jumyspen qamtýshylar dep sanalady. Mine, solarǵa jańa óndirister, jańa salalar ashyp berý kerek. ıAǵnı, bizde joq óndiristerdi ashý qajet. Al joq óndiristi ashatyn - bilim men ǵylymǵa súıengen jastar. Sol úshin quzyrly vedomstvolar deńgeıinde bul arada aýqymdy, júıeli máselelerdi sheshý ózdiginen suranyp tur», - deıdi.

«Aıqyn» gazetiniń dástúrli «Aq sóıle!» aıdarynyń búgingi qonaǵy «Astana-Kógaldandyrý qurylysy» AQ-nyń bas dırektory Jarqyn Jumaǵulov. Odan alynǵansuhbat «Astananyń kógaly jańbyr sýynan góri, mańdaı termen kóbirek sýarylady» degen taqyryppen berilgen. Elordany jasyl jelekke orap, kórkeıe túsýine úles qosyp júrgen mamandar, sondaı-aq qalanyń kelbetin árlendire túsetin gúlzarlar jaıynda egjeı-tegjeıli habardar bolǵyńyz kelse, joǵarydaǵy suhbatqa zer salyńyz.

«Kásipqoı bokstan IBF tujyrymy boıynsha jartylaı orta salmaqtaǵy álem chempıony amerıkalyq Tavorıs Klaýd kelesi jyly qazaqstandyq Beıbit Shúmenovpen judyryqtasýy múmkin», dep jazady «Aıqyn» gazeti. Basylymnyń baıandaýynsha, álemge áıgili NVO telearnasy kelesi jyly Tavorıs Klaýdtyń jekpe-jekterin uıymdastyrýǵa qulshynys bildirgen. Osy áńgime shyqqan kezden bastap Klaýdtyń komandasy Ched Doýson, Adrıan Dıakoný, Lýchan být syndy beldi bylǵary qolǵap sheberlerimen kelissózder júrgizýde. Aıtýly boksshynyń bolashaq qarsylastarynyń biri retinde B.Shúmenovtiń de esimi atalýda.

***
«Kazahstanskaıa pravda» gazetiniń jazýynsha, keshe Parlament Senatynyń Tóraǵasy Qasym-Jomart Toqaev Álemdik jáne dástúrli dinder lıderleri Sezi Hatshylyǵy Jumys tobynyń múshelerin qabyldady. Qazannyń 13-14-inde ótken Jumys tobynyń otyrysynda Dinı lıderler keńesiniń qyzmeti týraly Tujyrymdama jobasy bekitilgen. Bul qujatty ázirleý týraly Qazaqstan Prezıdenti Nursultan Nazarbaev bastama kótergen bolatyn. Tóraǵa Tujyrymdamanyń Álemdik jáne dástúrli dinder lıderleriniń 2012 jyly bolatyn IV Sezinde bekitiletinin aıtqan. Hatshylyqtyń 2011 jylǵy mamyrda bolatyn kelesi otyrysynda Dinı lıderler keńesiniń Tujyrymdamasyn qabyldaýdyń nusqasyn, IV Sezdiń ótetin merzimin, taqyryby men kún tártibin belgileýdi talqylaý josparlanyp otyr.