Bizdiń ushqyshtar Otanymyzdyń áýe keńistigin kúzetý jáne qorǵaý jónindegi kez kelgen jaýyngerlik mindetti oryndaýǵa daıyn bolýy tıis - Áýe qorǵanysy kúshteriniń bas qolbasshysy
Tekserý barysynda Jetigen garnızonynda áskerı bólim komandırlerimen joıǵysh bombalaýshy MıG-27 jáne kóp maqsatty joıǵysh Sý-27 sııaqty úshinshi jáne tórtinshi býynnyń kóp fýnktsııaly ushaqtarynda maqsatty ushýlar oryndaldy. Osy ushýlar arqyly ushqyshtar joǵary turǵan qolbasshylyq aldynda ushý tehnıkasy men áýe navıgatsııasyndaǵy sheberlikterin kórsetti.
«Bizdiń ushqyshtar ushý daǵdysyn, jaýyngerlik ázirligin arttyryp, olarǵa júktelgen Otanymyzdyń áýe keńistigin kúzetý jáne qorǵaý jónindegi kez kelgen jaýyngerlik mindetti oryndaýǵa daıyn bolýy tıis, - dedi Áýe qorǵanysy kúshteriniń bas qolbasshysy. - Avıatsııa - beıbit kúnderi jaýyngerlik kezekshilik atqaratyn óte kúrdeli ásker tegi. Onyń múmkindikteri óte aýqymdy. Biz Áýe qorǵanysy kúshteri daıarlyǵynyń biryńǵaı ádistemesin basshylyqqa alyp, qoıylǵan mindetti oryndaýǵa sanaly túrde qaraýdy árbir áskerı qyzmetshiden qatań talap etýimiz kerek. Jaýyngerlik mashyqtaný jáne ushý daıarlyǵy júıelerin jetildire túsýimiz qajet», - dep avıatsııa general-maıory Nurlan Ormanbetov atap kórsetti.
Búgingi tańda jaýyngerlik kezekshilikti sapaly atqarýǵa, jaýyngerlik daıarlyq boıynsha sabaqtar ótkizýge, avıatsııalyq bólimder jeke quramynyń turmys-tirshiligi úshin barlyq jaǵdaılar jasalǵan.
Jas avıatorlardy daıarlaýǵa úlken kóńil bólinip keledi, olar óz kezeginde kúrdeli zamanaýı tehnıkany tabysty meńgerýde.