Bizdiń ulttyq saıasatymyz etnıkaaralyq áreketter men turaqtylyqty saqtaı otyryp damýǵa baǵyttalǵan - B.Máken
ALMATY. Aqpannyń 17-i. QazAqparat / Ádilet Musahaev / - Búgin Almatydaǵy QMEBI-de «Qazaqstandyq etnosaralyq kelisim úlgisiniń alǵa basýy» taqyrybynda dóńgelek ústel ótti,
dep habarlaıdy QazAqparat.
Atalmysh jıynǵa qatysýshylar qoǵamdaǵy sáıkestik pen turaqtylyqty saqtaı otyryp Qazaqstanda turatyn barlyq etnıkalyq qaýymdardyń mádenıetin qalaı saqtap, damytý kerek degen suraq tóńireginde áńgime qozǵap, óz pikirlerin bildirdi.
JOO-nyń stýdenttik qaýymdastyǵymen álemde jáne elde oryn alǵan mańyzdy qoǵamdyq-saıası oqıǵalardy talqylap, pikirtalastar ótkizý maqsatynda qurylǵan forým QMEBI-diń stýdenttik suraqtar boıynsha dekany, halyqaralyq jýrnalıst Shıraz Parachanyń bastamasymen ótkizilip otyr.
«Bizdiń ulttyq saıasatymyz etnıkaaralyq áreketter men turaqtylyqty saqtaı otyryp damýǵa baǵyttalǵan», deıdi Almaty qalasy jastar saıasaty basqarmasynyń basshysy Baqtııar Máken.
Almaty qalasy Medeý aýdany ákiminiń orynbasary Berik Mustafınniń aıtýynsha, bul shara der kezinde ótkizilip otyr. «Elbasy osy jolǵy Joldaýynda eldiń tutastyǵy damýdyń negizgi joly dep aıtyp ketken», deıdi B.Mustafın.
Forýmǵa belgili saıasatkerler, Qazaqstan halqy qaýymdastyǵynyń ókilderi, dıplomattar men kásipkerler, jazýshylar, ǵalymdar, úkimettik emes uıymdar jáne dinı konfessııalar ókilderi qatysty.
