Bizdiń Prezıdent elimizdiń turaqtylyǵy men gúldenýiniń kepili - Qazaq munaı jáne gaz ınstıtýtynyń qyzmetkeri
ASTANA. 29 jeltoqsan. QazAqparat /Marlan Jıembaı/ - Bizdiń Prezıdent elimizdiń turaqtylyǵy men gúldenýiniń kepili.
Bul pikirdi búgin elordada Elbasy N.Nazarbaevtyń ókilettigin 2020 jylǵy 6 jeltoqsanǵa deıin uzartý jóninde respýblıkalyq referendýmdy ótkizý bastamasyna arnalǵan mıtıngte «Qazaq munaı jáne gaz ınstıtýty» AQ-nyń munaı óńdeý jáne munaı hımııasy jónindegi bas ınjeneri Oleg Lyzlov bildirdi.
«Qurmetti otandastar! Biz tarıhy tereń ári ekonomıkalyq turǵyda qarqyndy damýǵa bet alǵan elde turamyz. Bizdiń balalarymyz jan-jaqty damýǵa múmkindik alsa, zeınetkerlerimizge de úlken kóńil bólinýde», - dedi ol.
Bul oraıda bas ınjener Qazaqstanda 100-den astam ult ókilerdiń qonystanýyna qaramastan el táýelsizdigi jyldarynda eshqandaı da ultaralyq qaqtyǵystyń bolmaǵanyn basa aıtty.
«Bunyń barlyǵy bizdiń kóshbasshymyzdyń eńbegi. Men Qazaqstannyń barlyq azamattary bizdiń Prezıdentimizdiń ókilettilik merzimin uzartýdy jáne referendým ótkizýdi qoldaıdy dep oılaımyn», - dedi O.Lyzlov.
