Bizdiń partııamyzdyń árbir múshesi kórsetilgen senimdi baǵalaýy tıis - QR Prezıdenti (FOTO)
ASTANA. QazAqparat - Elbasy Nursultan Nazarbaev «Nur Otan» partııasynyń respýblıkalyq saılaý aldy shtabyna bardy, dep habarlady Aqordanyń baspasóz qzmetinen.
Іs-sharaǵa shtab músheleri, senimdi ókilder, jastar, sondaı-aq óńirlik shtabtardyń belsendileri beıne konferentsııa rejıminde qatysty.
Saǵat 00:00-de jalpyulttyq ekzıt-pol nátıjeleri baıandalǵan jańalyqtar shyǵarylymy qaraldy. Ekzıt-pol qorytyndysyna sáıkes, «Nur Otan» partııasy saılaýshylardyń 82% daýysyn jınady. Jınalǵandarǵa sóz arnaǵan Qazaqstan Prezıdenti barlyǵyn tarıhı jeńispen quttyqtady.
«Aldyn ala málimetter boıynsha, saılaýshylardyń basym kópshiligi «Nur Otan» partııasyna senim bildirdi, bul - búkil halyqtyń jeńisi. Qazaqstandyqtar elde júrgizilip otyrǵan saıasatty, partııa jarııalaǵan baǵdarlamalar men reformalardy taǵy da qoldap shyqty. Búgin men barlyq daýys berýshilerge rızashylyǵymdy bildiremin. Bizdiń partııamyzdyń árbir múshesi osy bir kúrdeli kezeńde kórsetilgen senimdi baǵalaýy tıis. Bul jeńis - kópjyldyq jumystyń nátıjesi. Soǵan oraı, óńirlik shtabtarǵa, belsendiler men partııa eriktilerine alǵys aıtamyn. Saılaýdy 800 sheteldik jáne 10 myńǵa tarta jergilikti baıqaýshylar baqylady, olar saılaý úderisi zańnamaǵa sáıkes ótkenin atap ótti. Biz álemdik qoǵamdastyq aldynda ashyq ári ádil saılaý ótkizdik», - dedi Memleket basshysy.
Nursultan Nazarbaev saılaýǵa qatysqan ózge partııalarǵa da alǵys bildirdi.
«Olar belsendilik tanytty, «Nur Otan» partııasy olardyń aıtqan usynystary men eskertýlerin nazarǵa alady jáne atalǵan máseleler boıynsha ózara is-qımyldy jalǵastyratyn bolady», - dedi Qazaqstan Prezıdenti.
Sońynda Memleket basshysy barshany partııanyń jeńisimen quttyqtap, partııa múshelerine aldaǵy ýaqytta qajyrly eńbek etip, tabysqa jetýge tilektestigin bildirdi.
