Bizdiń maqsatymyz - obektıvtilik pen osy eldiń saılaý zańdary talaptarynyń oryndalýyn qadaǵalaý - TMD mıssııasynyń basshysy S.Lebedev
ASTANA. 31 naýryz. QazAqparat /Aıdar Ospanalıev/ - «Táýelsiz memleketter dostastyǵy uıymy mıssııasy baıqaýshylarynyń basty maqsaty - obektıvtilik pen osy eldiń saılaý zańdary talaptarynyń oryndalýyn qadaǵalaý.
Biz ózimiz baqylap otyrǵan eldiń saılaý jumystarynan kemshilik tabýdy maqsat etip otyrǵan joqpyz»,-dedi búgin elordada TMD mıssııasy baıqaýshylarynyń basshysy Sergeı Lebedev jýrnalısterge bergen suhbatynda.
Onyń sózine qaraǵanda, TMD mıssııasy baıqaýshylary Qazaqstanda 10 naýryzdan bastap jumys isteýde. Baıqaýshylar Astana men Almatyda jáne barlyq oblys ortalyqtarynda jumys istep jatyr. «Biz sonymen qatar aýmaqtyq saılaý komıssııalarynda jumys isteımiz. Biz onda birinshi kezekte saılaý komıssııalarynyń saılaýǵa daıyndyq jumystaryn baqylaımyz. Mıssııa quramynda TMD-ǵa múshe 9 elden 426 baıqaýshy bar. Olardyń barlyǵy da tájirıbeli mamandar. Úlken saıasatkerler, qoǵam qaıratkerleri men Parlament depýtattary, saılaý komıssııalarynyń músheleri, dıplomattar. Olar óz mindetterin talapqa saı atqara alady»,-dedi S.Lebedev.
