Bizdiń qyzmetkerler baspanaǵa zárý - Qalmuhanbet Qasymov
ASTANA. QazAqparat - Іshki ister mınıstri Qalmuhanbet Qasymov polıtsııa qyzmetkerleriniń turǵyn úıge zárý ekenin, atalmysh máseleni sheshý úshin qandaı amaldar qarastyrylyp jatqanyn aıtyp berdi, dep habarlaıdy QazAqparat tilshisi.
«Iá, eń birinshi kezekte aıtarym - shynynda da, bizdiń qyzmetkerler baspanaǵa zárý. Zańǵa sáıkes, bizdi áskerı qyzmetshilerge teńestirgen. Biz úı jaldap turǵanymyz úshin ótemaqy ala alamyz. Demek, zań boıynsha bizdiń bárimizdi júz paıyz baspanamen qamtýy tıis. Biraq, qarajat jetispeýshiligi de bar. Osyǵan baılanysty biz Úkimettiń Qaýlysymen eki jylda bir márte osy artyqshylyqqa ıe qyzmetkerlerimizdiń sanyn arttyryp kelemiz. Búgingi tańda baspana jaldaǵany úshin ótemaqyny jedel-tergeý qyzmetteri, jedel qylmystyq-atqarý júıesi komıtetiniń qyzmetkerleri alady. Endigi kezekte biz osy jeńildiktiń jol-patrýl qyzmetkerleri men ýchaskelik polıtseılerge de berilgenin surap otyrmyz», - dedi mınıstr OKQ-da ótken baspasóz máslıhaty barysynda.
Vedomstvo basshysy ásirese jas mamandardyń turǵyn úıge muqtaj ekenin qaıtara atap ótti.
«Biraq ol úshin áli de 30 mlrd teńge kerek. Álbette, Úkimet te, Qarjy mınıstrligi de bul máseleni kezeń-kezeńimen sheshýdi kózdep otyr. Atalmysh máseleniń qashan sheshiletinin ýaqyt kórsetedi», - dedi ol.
Mınıstr sonymen qatar, jalpy baspana jaldaǵany úshin ótemaqy berý tájirıbesi qazir ózgeristerge ushyrap jatqanyn aıta ketti.
«Sebebi, bizdiń qyzmetkerlerge ótemaqy berilse, páter ıeleriniń paıdasy úshin jumys isteımiz. Al shyntýaıtyna kelgende, polıtsııa qyzmetkeri 10 jyl boıy páter jaldap, keıin qyzmetten ketkennen keıin pátersiz qalýy da yqtımal. Bul jerde tek páter ıesi ǵana paıdaǵa keneledi. Qorǵanys mınıstrligi jáne basqa organdar osy máseleni jiti zerttep, páterdi birden satyp alý týraly sheshimdi durys qabyldady. ıAǵnı, biz ol páterdi satyp alyp, qyzmetkerge berip, onyń aqysyn jalaqysynan alyp otyramyz. Mine, biz osy jolmen ketpekpiz. Sebebi, biz óz úıimizdi salyp jatqan joqpyz. Polıtsııa qyzmetkerlerine úı alyp berip jatqan oblys ákimdikterine alǵys aıtamyz», - dep túıdi Qalmuhanbet Qasymov.
