Bizdiń keıipker qandaı qıyndyq bolmasyn týra joldan taımaıtyn adam - «Bir kem dúnıe» fılminiń rejısseri
ALMATY. 21 qarasha. QazAqparat - «Bul jalpy kórermenge arnalǵan fılm. Ony túsirgen kezde paıda tabý týraly eshqandaı oıymyz bolǵan joq.
Maqsatymyz, tek kórermenge oı salatyn salmaqty dúnıe jasaý ǵana boldy. Qandaı qıyn bolmasyn ony týra jolmen sheship, ádildikten taımaı, óz ustanymyna adaldyq tanytqan Musa aqsaqaldyń basynan ótkenderi ózgelerge sabaq bolady dep úmittenemiz», -dedi búgin Almatyda «Bir kem dúnıe» dep atalatyn jańa týyndynyń tusaýkeserinde osy fılmniń rejısseri Tólegen Beıset.
Onyń aıtýynsha, kınoda Musa aqsaqaldyń rólin somdaıtyn Qazaqstanyń eńbek sińirgen qaıratkeri Orazhan Sádýaqasuly birden tańdalyp, onyń minezi men teatr sahnasyndaǵy oıynyna qaraı stsenarııdi Orynbasar Baltabaıulymen birge jazǵan. Al túsirilim Almaty oblysyndaǵy Jambyl mýzeıi aýylynda jáne Almatyda júrgizilgen.
Jalpy «Bir kem dúnıe» T. Beısettiń «GLOBAL studio» telestýdııasynda shyǵarylǵan ekinshi fılmi bolyp otyr. Buǵan deıin ol «Orazań qabyl bolsyn» dep atalatyn oıyndyq fılm túsirgen bolatyn. Al alǵashqy «Erke» dep atalatyn T.Júrgenov atyndaǵy óner akademııasyn bitirgen kezdegi dıplomdyq jumysymen «Sháken juldyzdary» jáne Rýmynııadaǵy kınofestıvalǵa qatysqan. Aldaǵy jyly «Sháken juldyzdaryna» endi «Bir kem dúnıeni» de usynyp kórmek.
