Bizdiń qazaqtyń dostyǵy, dushpandyǵy, maqtany, myqtylyǵy, mal izdeýi, óner izdeýi, jurt tanýy eshbir halyqqa uqsamaıdy - Abaı
ASTANA. 21 shilde. QazAqparat - QazAqparat oqyrmandar nazaryna Abaıdyń jıyrma tórtinshi qara sózin usynady.
Jer júzinde eki myń mıllıonnan kóp artyq adam bar, eki mıllıondaı qazaq bar. Bizdiń qazaqtyń dostyǵy, dushpandyǵy, maqtany, myqtylyǵy, mal izdeýi, óner izdeýi, jurt tanýy eshbir halyqqa uqsamaıdy. Birimizdi birimiz ańdyp, jaýlap, urlap, kirpik qaqtyrmaı otyrǵanymyz. Úsh mıllıonnan halqy artyq dúnıede bir qala da bar, dúnıeniń bas-aıaǵyn úsh aınalyp kórgen kisi tolyp jatyr. Óstip, jer júzindegi jurttyń qory bolyp, birimizdi birimiz ańdyp ótemiz be? Joq, qazaq ortasynda da urlyq, ótirik, ósek, qastyq qalyp, ónerdi, maldy túzden, bóten jaqtan túzý jolmen izdep, óristerlik kún bolar ma eken? Áı, ne bolsyn!.. Júz qaraǵa eki júz kisi suǵyn qadap júr ǵoı, birin-biri qurtpaı, qurymaı tynysh taba ma?
