Bizdiń Qazaqstanmen yntymaqtastyǵymyz jańa satyǵa kóterildi - Japonııa Premer-Mınıstri
ASTANA. QazAqparat - Japonııa Premer-Mınıstri Sındzo Abe Nursultan Nazarbaevtyń Qazaqstan Respýblıkasynyń Prezıdenti bolyp saılanýyna oraı quttyqtaý jedelhatyn joldady, dep habarlady Aqordanyń baspasóz qyzmeti.
Sındzo Abe Nursultan Nazarbaevty prezıdenttik saılaýdaǵy aıqyn jeńisimen quttyqtady.
«Qazaqstan men Japonııa arasyndaǵy qarym-qatynastar saıası ǵana emes, áleýmettik-ekonomıkalyq salada da damyp, bul oraıdaǵy yntymaqtastyq jańa satyǵa kóterildi. Sonymen qatar, biz halyqaralyq qoǵamdastyq aıasynda ıadrolyq qarýsyzdaný máselesine baılanysty bir-birimizdi qoldaımyz. Memleketterimizdi jaqyndastyrý maqsatynda yntymaqtastyqty odan ári jandandyryp, Qazaqstan men Japonııanyń ekijaqty qatynastaryn damytýǵa nıetti ekenimdi bildiremin», - delingen quttyqtaýda.
Sońynda S.Abe Memleket basshysyna baqyt pen tabys, al Qazaqstan halqyna baq-bereke tiledi.
