Bizdiń halyq tarıhı taǵatty jáne biz tynyshtyq, turaqtylyq bolsa ǵana damý, ál-aýqattyń artýy bolatyndyǵyn túsinemiz - Memleket basshysy
ASTANA. 4 sáýir. QazAqparat /Marlan Jıembaı/ - Bizdiń halyq tarıhı taǵatty jáne biz tynyshtyq, turaqtylyq bolsa ǵana damý, ál-aýqattyń artýy bolatyndyǵyn túsinemiz. Búgin Aqordada otandyq jáne sheteldik buqaralyq aqparat quraldary ókilderine arnalǵan baspasóz maslıhatynda Elbasy Nursultan Nazarbaev osylaı málimdedi.
Buryńǵy keńestik keńistikte Qazaqstannyń jetistikterine eshqandaı eldiń qol jetkizbegendigin basa aıtqan Elbasy jalpy ishki ónimniń 1996 jylǵy jan basyna shaqqandaǵy 700 dollardan 9 myń dollarǵa, ıaǵnı 12 ese ósim kórsetkendigin basa aıtty. Qazirgi tańda el ekonomıkasynyń jıyntyq kólemi Orta Azııa men Kavkaz elderin qosa alǵandaǵy kórsetkishten de artyq bolyp otyr.
«Barlyq álemde ne bolyp jatqandyǵyn ózderińiz qarańyzdar - dinaralyq qaqtyǵystar, ultaralyq qaqtyǵystar, qarapaıym adamdardyń qany tógilýde. Bundaı Qazaqstanda oryn alǵan joq. Óıtkeni bizdiń halyq tarıhı taǵatty jáne biz eger tynyshtyq, turaqtylyq bolsa ǵana damý, ál-aýqattyń artýy bolatyndyǵyn túsinemiz», - dedi Memleket basshysy.
Osy oraıda Soltústik Afrıka elderinde oryn alyp jatqan oqıǵalarǵa toqtalǵan N.Nazarbaevtyń paıymynsha, atalǵan memleketter óz ekonomıkalaryn 10, tipti 20 jylǵa keıinge ysyryp otyr.
