«Bizdiń eń asyl qazynamyz - yntymaq pen birlik» - respýblıkalyq basylymdarǵa sholý

«1 mamyr kúni Astana aspany bulyń­ǵyr­laý bolǵanymen, birligi jarasqan qa­zaq­standyqtardyń kóńili shat, júzderi ba­rynsha jarqyn boldy. Qazaqstan halqy­nyń birligi merekesine arnalǵan salta­nat­ty sharalar qalanyń birneshe jerinde uıymdastyrylsa, sonyń ishindegi eń basty sahna Astana qalasynyń ákimdigi aldyn­daǵy eski alańda quryldy. Mundaǵy ásem be­zendirilgen sahnada Astana qalasy fı­larmonııasynyń halyq aspaptar orkestri tańerteńnen beri tóńirekti tógilgen án men kúmbirlegen kúıge bólep, kóńilderdi kók aspanǵa kótererdeı etip turdy. Saǵat týra 11.00-de eski alańdaǵy sah­na­ǵa Elbasy Nursultan Nazarbaev kóte­rilip, barsha qazaqstandyqtardy Qazaqstan halqynyń birligi merekesimen quttyqtady», - dep jazǵan «Egemen Qazaqstan» basylymynyń búgingi sanyndaǵy «Bizdiń eń asyl qazynamyz - yntymaq pen birlik» atty maqala elorda tórinde Elbasynyń qatysýymen ótken merekege toqtalypty.

«Egemen Qazaqstan» gazetiniń búgingi sanynda BUU bas hatshysy Pan Gı Mýnnyń «Jańa «Graýnd zero» atty maqalasy jaryq kóripti. Maqalada ıAdrolyq qaýipsizdik máselesi týraly sóz bolady. «Osydan birneshe apta buryn Qazaqstanda bolǵan kezimde men jarylys epıtsentrinde sanany saýyqtyrǵan sezimdi bastan keshirdim. Bul Keńes Odaǵy 1947-1989 jyldar aralyǵynda 456 ıadrolyq bomba jarǵan qasireti álemge áıgili Semeı synaq polıgony bolatyn», - deıdi avtor.

«Egemen Qazaqstan» gazeti Uly Jeńistiń 65 jyldyǵy qarsańynda tarıhı-tanymdyq, derekti maqalalar serııasyn úzbeı jarııalap keledi. Basylymnyń búgingi sanynda jaryq kórgen Temir Qusaıynnyń «Qaharman jáne tuńǵysh mınıstr» atty maqalasy, Murat Tólebaevtyń «Batyr» jáne Mamadııar Jaqyptyń «Qarý men qalam» atty maqalalary Jeńistiń 65 jyldyǵyna arnalypty.

***

Sý tasqynynan zardap shekken Qyzylaǵash turǵyndary qonys toıyn toılaýda. Jýyrda Almaty oblysynyń ákimi Serik Úmbetov 45 otbasyǵa qurylysy tolyq aıaqtalǵan úıdiń kiltin tapsyrdy. Merekege ulasqan saltanatty kilt tapsyrý rásimine turǵyndardyń qýanyshymen bólisýge qala ákimdiginen bólek Almatydan bir top aqyn-jazýshylar, ánshiler, basqa da óner qaıratkerleri keldi. Saltanatty sharany «Alash aınasy» gazetiniń búgingi sanynda jaryq kórgen «Qyzylaǵashtyqtar qonys toıyn toılaýda» degen taqyryptaǵy maqaladan oqı alasyzdar.

Endi árbir ata-ananyń úıde otyryp-aq mekteptegi balasynyń qaı sabaqtan qandaı baǵa alyp jatqanyn sol sátte bilip otyrýyna múmkindik týdy. SMS-kúndelik júıesine qosylsa bolǵany - balasynyń úlgerimi men tártibin telefonyna kelip túsken aqparat arqyly baqylap otyra alady. Jumysbasty ata-ananyń kómekshi quralyna aınalmaq jańa júıe Almaty qalasynyń mektepterine de engizile bastady. Jańa júıeniń jaıymen tolyǵyraq tanysqyńyz kelse, «Alash aınasy» gazetiniń búgingi sanyndaǵy «Jańa bilim júıesi» taqyrybymen berilgen maqalaǵa nazar aýdaryńyz.

Elordanyń «Lokomotıv» fýtbol klýby «eýrododaǵa qatyssam» degen úmitterin bıyldyqqa birjola úzdi. Premer-lıga klýbtarynyń qujattaryn tekserý nátıjesinde Qazaqstan fýtbol federatsııasy Evropa lıgasyna «Lokomotıvti» emes, Qostanaıdyń «Tobylyn» qatystyrýdy jón dep sheshti. Alaıda mártebeli týrnırge «Tobyldyń» qatysqysy joq. Nelikten? Egjeı-tegjeıin «Alash aınasy» gazetindegi «Lokomotıv» eýrododadan shet qaldy» atty maqaladan oqyńyzdar.

***

Meksıka shyǵanaǵyndaǵy Amerıkadaı alpaýyttyń ózin titiretken apat Másimov bıligin qazir bárinen beter mazalap otyr eken. Keshe apta basyndaǵy ádettegi selektorlyq keńesti ashqan Úkimetbasy basqa máselelerdi qoıa turyp, aldymen mhıttyń ar jaǵynda bolǵan sol oqıǵaǵa mınıstrler men ákimderdiń nazaryn aýdartty. Sonymen qatar Premer Munaı jáne gaz, Qorshaǵan ortany qorǵaý mınıstrlikterine Kaspııdegi «qara altyn» óndirisine komıssııa júrgizip, beti búrkemelengen barlyq problemany áshkere etýdi júktedi. Bul týraly tolyǵyraq «Aıqyn» basylymynyń búgingi sanyndaǵy «Másimov Úkimetin mazalap otyrǵan máseleler jeterlik» degen maqaladan oqı alasyzdar.

«Shanhaı qalasynda dúnıejúzilik «Ekspo - 2010» kórmesiniń ashylý saltanaty bolyp ótti. 2008 jyly Beıjiń Olımpıadasyn ótkizip, ozyq tehnologııalarynyń múmkindikterin kúlli álemge tanytqan Qytaı bul joly da óziniń qaryshtap damyp kele jatqan el ekenin kórsete aldy. Bedeldi kórmeniń ashylý saltanaty alýan túrli ot-shashýlarmen aıshyqtalyp, joǵary deńgeıde ótkizildi. Kórme barsha jurtshylyqtyń qyzyǵýshylyǵyn arttyratyndaı dárejede ásem bezendirildi», - dep jazǵan «Aıqyn» gazetindegi kelesi maqala Shanhaıda ótip jatqan «Ekspo - 2010» kórmesine nazar aýdarypty. Bul kórmede elimizdiń alatyn orny qandaı? Egjeı-tegjeıin «Shanhaı shyraılanyp tur» atty maqaladan oqyńyzdar.

«Aıqyn» gazetiniń 28 sáýirdegi sanynda «Depýtattyń aýyly nege dúrligedi?» degen saýalǵa qurylǵan oqyrman haty jarıalanǵan edi. Osyǵan baılanysty basylymnyń búgingi sanynda «Depýtattyń aýyly endi dúrlikpeıtin boldy» degen taqyryppen Qordaı aýdanyndaǵy Qarasaı batyr aýylynda týyp-ósken, búginde Májilis depýtaty Qurmanǵalı Ýálı myrzanyń bergen jaýaby jarııalanypty.