Bizdiń elimizdegi ınternettiń baǵasy basqa elderdegiden áldeneshe ese qymbat - Borıs Japarov
ALMATY. 20 shilde. QazAqparat /Erlik Erjanuly/ - Qoǵamdy ınternetpen qamtamasyz etý qazir kommertsııalyq mekemelerdiń aqsha tabýmen aınalysý máselesi bolyp jatyr.
Ony Qazaqstannyń Ǵylym-bilim kompıýterlik jelilerin qoldanýshylar qaýymdastyǵynyń (KazRENA) Bas dırektory Borıs Japarov búgin Almatyda ótip jatqan "IRv6 hattamasyna kóshý" trenınginde aıtty.
"Internettiń damýyna memleket tarapynan kóńil bólinýi kerek. Bizdiń elimizdegi ınternettiń baǵasy Qytaımen salystyrǵanda 60 ese, Eýropamen salystyrǵanda 100 ese qymbat", - deıdi tehnıka ǵylymdarynyń doktory, professor Borıs Japarov. Onyń aıtýynsha, ınternetti damytýǵa qoldanýshylar tarapynan ynta bar. Biraq ony tóleı alatyn qarajat joq. Bıyl "Qazaqtelekom" AQ ınternet baǵasyn 40-50 paıyzǵa arzandatýǵa sheshim qabyldady. Biraq ol da jetkiliksiz. Internetti ulttyq másele deńgeıinde kóterip, sheshý jolyn qarastyrmasaq ekonomıkalyq damýda artta qalýymyz múmkin.
