Bizdiń eldegi saılaýda jastar arasyndaǵy mundaı belsendilikti kórmeıtin edik - Avstrııa baqylaýshysy
ASTANA. 4 sáýir. QazAqparat /Jasulan Amanbaıuly/ - «Bizdiń eldegi saılaýda jastar arasyndaǵy mundaı belsendilikti kórmeıtin edik»,-dedi búgin Astanada ótken brıfıngte Avstrııanyń TMD elderi boıynsha Federaldy ekonomıkalyq palatasynyń keńesshisi Gıýnter Rıhter.
«Ásirese, meni daýys berýge kelgen jastardyń sany tańqaldyrdy. Eger biz Avstrııamen salystyratyn bolsaq, osy syndy saılaýda biz daýys berýge kelgenderdiń ishinde kóbine- kóp tek qart kisilerdiń qatary basym bolǵanyn baıqaımyz. Saılaý ýchaskeleriniń aldynda osynshama kezekti de kórmeıtin bolar edik. Jastardyń buqaralyq qatysýy, sizderdiń jetistikterińizdi taǵy bir dáleldeıdi»,-dedi ol óz sózinde.
Baıqaýshylardyń aıtýynsha, QR Prezıdentiniń kezekten tys saılaýy joǵary sapada uıymdastyryldy jáne halyqaralyq talaptarǵa saı ótti.
