Bizdiń belsendi saılaýshylarymyzdyń quramy jasaryp kele jatyr - №482 saılaý ýchaskesiniń tóraıymy
ALMATY. 15 qańtar. QazAqparat /Erlik Erjanuly/ - Saılaý kezinde ádettegideı aǵa býyn jastarǵa úlgi-ónege kórsetýde.
Almaty qalasy Áýezov aýdany Qalqaman yqshamaýdanyndaǵy №15 saılaý okrýgine qarasty №482-shi saılaý ýchaskesiniń tóraıymy Elvıra Oraqbaevanyń aıtýynsha, saılaýda jasy 30-dan asqan aǵa býyn ókili belsendilik tanytýda.
«Bizdiń ýchaskemizde 1999 saılaýshy bar. Onyń 10-y ǵana ýchaskege óz betimen kelip daýys bere almaıdy. Sondyqtan olar óz tańdaýyn bilý úshin úıine baryp, daýys berý rásimin ótkizemiz. Búgin saılaý úderisi kezinde tańǵy saǵat 8-ge deıin 36 saılaýshy ýchaskege kep óz qalaýyn bildirdi. Al 9-da olardyń sany elýge deıin jetti», - deıdi Elvıra Jetpisbaıqyzy. Ondaǵy saılaýshylardyń daýys berý barysyn «Nur Otan» halyqtyq demokratııalyq partııasy men Jalpyultyq sotsıal-demokratııalyq partııanyń baıqaýshylary baqylaýda.
Osymen ekinshi ret ýchaskelik saılaý komıssııasynyń tóraıymy bolyp otyrǵan J. Oraqbaevanyń aıtýynsha, 2011 jyldyń 3-sáýiri kúni ótken QR Prezıdenti saılaýynda 1900 saılaýshynyń 1632-si daýys berýge qatysqan. Saılaý komıssııasy músheleri bıyl da daýys berýshilerdiń bárin tizim boıynsha aralap shaqyrý qaǵazyn taratyp shyqqan.
«Bizdiń aýdanda negizinen aýyldyq jerden kóship kelgen turǵyndar turady. Sondyqtan qalanyń ózge turǵyndaryna qaraǵanda bizdiń saılaýshylarymyzdyń saıası belsendiligi árdaıym joǵary bolyp júr. Byltyr 40 jastan joǵarylar úlken belsendilik kórsetken edi. Bul joly onyń quramy 30-jasqa deıin jasaryp otyr», - deıdi E. Jetpisbaıqyzy.
