Bizdiń bárimizdi búgin máńgilik shýaǵymen nurlandyrǵan Pasha saltanaty biriktiredi - Astana men Qazaqstannyń mıtropolıti Aleksandrdyń Pasha meıramyna oraı quttyqtaýy
ASTANA. 14 sáýir. QazAqparat - Bizdiń bárimizdi búgin máńgilik shýaǵymen nurlandyrǵan Pasha saltanaty biriktiredi. Bul týraly Qazaqstan Respýblıkasy mıtropolııa okrýginiń basshysy, Astana jáne Qazaqstan mıtropolıti Aleksandrdyń Pasha meıramyna oraı joldaýynda aıtylǵan.
«Qazaqstan jerindegi baýyrlar! Sizderdiń báriińizdi Qasıetti mereke - Pasha meıramymen quttyqtaımyn!», - delingen mıtropolıttiń búkil dindar hrıstıan jurtyna arnaǵan quttyqtaýynda. - Bizdiń bárimizdi búgin máńgilik shýaǵymen nurlandyrǵan Pasha saltanaty biriktiredi».
Pasha kúnderi ejelgi ıgi dástúrlerdi eske saqtaý mańyzdy: merekeni saltanatpen atap óte otyryp, qýanyshty muqtaj adamdarmen, taǵdyrdyń jazýymen baqytsyzdyqqa ushyraǵan, aýrý jáne jalǵyzilikti týystarmen bólisýmiz qajet. Jaratqannyń jazýymen talaı sorlylardyń qanymen boıalyp, ıgilik úshin kúresken Qazaqstan jerinde biz tatý-tátti ómir súrip jatyrmyz, bizdiń qasıetti paryzymyz olardyń izgilikti isterin este saqtaýmen qatar, bizdiń kıeli jádigerlikterimizdi saqtaý bolmaq. Osynaý Pasha kúnderi sizdermen qýanyshty habarmen bóliskim keledi: aǵymdaǵy jylǵy mamyr aıynda qasıetti mıssııamen Orys Pravoslav Shirkeýiniń basshysy, Qasıetti Máskeý jáne búkil Reseı Patrıarhy Kırıll Qazaqstan jerine saparmen keledi. Qasıetti dinbasymyz elordamyz - Astanada bolyp, din basshylarymen, el Prezıdenti N.Á.Nazarbaevpen kezdesedi.
Bıylǵy jyly mamyr aıynda sondaı-aq Kerkır aralynan Grekııadan qasıetti Spırıdon Trımıfýntskııdiń jádigerligi Qazaqstan jerine jetkizilip, elimizdiń barlyq eparhııasynda dindar qaýymnyń qaýyshýyna múmkindik týady, delingen mıtropolıt Aleksandrdyń merekege oraı joldaýynda.
Mıtropolıt búkil Qazaqstan halqyn, pravoslav dininiń jamaǵatyn qasıetti Pasha merekesimen quttyqtap, ár otbasyna izgilik pen baqyt tiledi.
Pasha - ıýdeılk jáne hrıstıandyq dinı mereke. Pasha ıýdeı dininde evreılerdiń Mysyrdan ketýine oraı atap ótilip, Messııanyń kelýin kútý ıdeıasymen ushtastyrylady. Hrıstıan dininde Isa (ǵ.s.) paıǵambardyń «qaıta tiriletin» kúni retinde toılanady. Kóktemgi kún men túnniń teńesýinen soń alǵashqy jeksenbide atap ótiledi.
Búgin túnde Ierýsalımde, Máskeýde jáne basqa da hrıstıan jamaǵattary turatyn elderde, sondaı-aq Qazaqstandaǵy barlyq shirkeýlerde qulshylyq rásimderi ótkizilip, ýaǵyzdar aıtylady, lıtýrgııa oqylady..
