Bizdiń babalarymyz da Eýrazııadaı alyp materıktiń basty ıntegratory bolǵan - N.Nazarbaev
«Osydan shırek ǵasyr buryn ǵana álem kartasynda bolmaǵan Qazaqstan qazir dúnıe júzindegi 56 eldiń basyn qosatyn Eýropadaǵy qaýipsizdik jáne yntymaqtastyq uıymyna, 57 eldi biriktiretin Islam yntymaqtastyq uıymyna abyroımen tóraǵalyq etip, olardyń sammıtin elimizde ótkizip, ultymyzdyń rýhyn kóterip, jurtymyzdyń eńsesin bıiktetti», - dedi Memleket basshysy.
N.Nazarbaev atap ótkendeı, Qazaqstan halyqaralyq uıymdardyń múshesi atanyp qana qoımaı, óńirdegi qaýipsizdik pen ekonomıkany damytý úshin ózge de iri uıymdardy qurý týraly usynys aıtqan el retinde tarıhta qalady.
«Qazaqstan alyp qurlyqtaǵy eń túıindi máselelerdi sheshetin 30-ǵa jýyq memlekettiń basyn qosyp, Azııadaǵy ózara yqpaldastyq jáne senim sharalary keńesiniń quramyna qosyldy. Álemdegi eń yqpaldy halyqaralyq uıymdardyń biri - Shanhaı Yntymaqtastyq uıymyn qurýda basty bastamashylardyń biri bolyp, birneshe ret bıik deńgeıdegi sammıt ótkizdik. Bizdiń babalarymyz ǵundar da, túrikter de, qypshaqtar da ótken zamandarda Eýrazııadaı alyp materıktiń basty ıntegratory bolǵan. Olar uly daladaǵy alýan taıpalardyń basyn qosyp, berekesi qashqandar jaýlaryna jem bolǵan. Bizde 20 jyldan astam ýaqyt boıy Eýrazııalyq odaq týraly bastamany tabandylyqpen ilgeri jyljyttyq. Ony búgingi bes memlekettiń basyn qosatyn postkeńestik elder arasyndaǵy eń úlken ekonomıkalyq uıymǵa aınaldyrdyq», - dedi Memleket basshysy.
