Bizdiń azamattar Qazaqstannyń iri ulttyq kompanııalarynyń teń menshik ıeleri bola alady-Elbasy
ANA. 1 naýryz. QazAqparat - Keshe Aqordada respýblıkalyq BAQ ókilderine bergen suhbatynda Memleket basshysy Nursultan Nazarbaev elimizdiń azamattary Qazaqstannyń iri ulttyq kompanııalarynyń teń menshik ıeleri bola alatynyn aıtty.
Suhbattta Memleket basshysy mańyzdy másele iri ulttyq kompanııalardyń aktsııalaryn turǵyndarǵa satý - halyqtyq ІRO ekenin aıta kele: «Jumys birneshe kezeńmen júrgiziledi. Bıylǵy jyly «QazMunaıGaz» Barlaý jáne óndirý» óz aktsııalarynyń 5 paıyzyn saýdaǵa shyǵarady. Bul pakettiń quny - 500 mıllıon dollar. Ár adam 50 aktsııadan artyq satyp ala almaıdy. Saýda «Qazposhta» bólimsheleri arqyly júrgiziledi. Artynsha «KEGOS», «Qazposhta», «QTJ», birqatar energetıkalyq kompanııalardyń aktsııalary satylatyn bolady. Ýaqytyna qaraı «Qaztsınk», «Qarmetkombınat», «ENRC», «Qazaqmys»ta óz aktsııalaryn saýdaǵa qoıady. Osylaısha, bizdiń azamattar Qazaqstannyń iri ulttyq kompanııalarynyń teń menshik ıeleri bola alady», - dedi.
Elbasynyń aıtýynsha, satylmaı qalǵan aktsııalar elimizdiń zeınetaqy qorlary arqyly júzege asyrylady. Bul - memlekettiń mańyzdy qadamy. Oǵan tek Qazaqstan azamattary ǵana qatysa alady. Búginde búkil álem aktsııalar naryǵynda tabys tabady. Buǵan qazaqstandyqtar da úırenýi kerek.
