Bizdiń Ata Zańymyz eshkimdikine uqsamaıtyn biregeı Konstıtýtsııa bolyp tabylady - professor Á. Shaltyqov
Atalmysh jıynǵa oqý ordasynyń oqytýshylar quramy jáne Úndistan, Pákistan elshiliginiń ókilderi, Medeý aýdany ishki saıasat bóliminiń mamandary men stýdentter qatysty. Kezdesý barysynda basqa elderdiń de Konstıtýtsııasynyń qalyptasýy jaıynda pikirtalastar men aqparat almasý bolyp, elimizdiń Konstıtýtsııasynyń erekshelikteri talqylandy. Sonymen qatar 15 jyl ishinde elimizde oryn alǵan ózgerister men qandaı jetistikterge qol jetkizgendigimiz talqylandy.
QMEBI-diń stýdentter isi jónindegi dekany Shıraz Paracha Konstıtýtsııanyń ár elde mańyzdy oryn alatynyndyǵyn aıtty. «Konstıtýtsııa Qazaqstan halqymen qabyldanǵandyqtan onyń erigin bildiredi. Ol joǵarǵy zań kúshine ıe jáne eldiń ózge zańynyń negizi bolyp tabylady. Konstıtýtsııa negizgi qoǵamdyq qatynastardy retteıdi jáne saıası, ekonomıkalyq, áleýmettik sııaqty qoǵam ómiriniń túgeldeı salasyn qamtıdy», deıdi Sh. Paracha.
Professor, saıası ǵylymdarynyń doktory Ámirjan Shaltyqov elder eshqashan bir-biriniń Konstıtýtsııasyn kóshirmeý kerektigin aıtty. "Ár eldiń ózindik erekshelikteri bar, 15 jyl tolaıyn dep otyrǵan bizdiń Ata Zańymyz eshkimdikine uqsamaıtyn biregeı Konstıtýtsııa bolyp tabylady. Óıtkeni ol qazaq halqynyń salt-dástúrine negizdelip jasalǵan. Bizdiń Zańdardyń tarıhy tereńde jatyr", dep atap ótti óz sózinde professor.