Bizdi saılaý ýchaskeleri músheleriniń aq peıildiligi qaıran qaldyrdy - nıderlandyq baqylaýshy
ALMATY. QazAqparat- Bizdi saılaý ýchaskeleri músheleriniń aq peıildiligi, olardyń saılaýshylardy sondaı bir aq kóńilmen qarsy alýy bizdi qaıran qaldyrdy.
Bul týraly búgin Almatyda QR Parlamenti Májilisi men ár túrli deńgeıdegi máslıhattar depýtattarynyń saılaýyna qatysty ótken baspasóz máslıhaty barysynda Nıderlandy elinen kelgen halyqaralyq táýelsiz baıqaýshy Hendrık Franken málimdedi.
«Biz búgin Almaty qalasynda onnan astam saılaý ýchaskelerin araladyq. Sonda bizdi qaıran qaldyrǵany, saılaý ýchaskeleri músheleriniń saılaýshylardy sondaı bir aq peıilmen, zor qýanyshpen qarsy alyp jatqany boldy. Biz buǵan óte rıza boldyq. Saılaýǵa daıyndyq naýqany barysy jaıynda eshteńe aıta almaımyz. Óıtkeni, Qazaqstanǵa búgin ǵana keldik. Sondyqtan, búgingi ótkizilip jatqan sharaǵa qatysty aıtar bolsam, saılaý laıyqty dárejede, halyqaralyq standarttarǵa saı ótkizilip jatyr», - dedi Hendrık Franken.
