Bizdi saılaý nátıjesi emes, protsestiń ózi qyzyqtyrady – EQYU mıssııasy

ASTANA. QazAqparat – Eýropadaǵy qaýipsizdik jáne yntymaqtastyq uıymynyń (EQYU) Demokratııalyq ınstıtýttar jáne adam quqyqtary jónindegi bıýrosy (DIAQB) Qazaqstandaǵy saılaý men saılaýaldy úgit-nasıhatqa sapaly baqylaý júrgizýge nıetti, dep habarlaıdy QazAqparat.

Astanada ótken brıfıngte EQYU/DIAQB Qazaqstandaǵy parlamenttik saılaýdy qadaǵalaý jónindegi mıssııasynyń basshysy Oýen Merfı saılaý nátıjeleri emes, protsestiń ózi qyzyqtyratynyn aıtty.

«Bizdiń mıssııa saılaý aldyndaǵy úgitke sapaly baqylaý júrgizedi. Bizdi saılaý nátıjeleri emes, protsestiń ózi qyzyqtyryp otyr. Saılaýdy baqylaý mıssııasynyń róli qadaǵalaý, aralasý nemese kómek kórsetý emes. Bizdiń jumysymyz saılaýdy baqylaý ǵana. Baqylaý jáne baǵalaý mıssııanyń aldaǵy esepterinde jarııalanady. Saılaý kúnine eki apta qalǵanda biz saılaý protsesiniń naqty sıpattamasy bolatyn jáne saılaý bóligindegi máselelerdi kórsetetin aralyq esepti jarııalaımyz», - dep túsindirdi Oýen Merfı.

O. Merfı saılaý protsesi aıaqtalǵannan keıin birneshe aıdan keıin túpkilikti esep jarııalanatynyn aıtty.

Onyń sózinshe, qujatta saılaýdy ótkizý turǵysynan bılik pen basqa da múddeli organdar qaraýy kerek usynystar bolýy múmkin.

Aıta keteıik, Májilis pen máslıhat saılaýyna EQYU-nyń Demokratııalyq ınstıtýttar jáne adam quqyqtary jónindegi bıýrosynan 332 baıqaýshy keledi.