Bizde jumys jasaıtyndardyń 60-70 paıyzy joǵary bilimdi - «Altyn orda» bazary dırektorynyń orynbasary
ALMATY. 1 tamyz. QazAqparat - Eger memleket óndiris oryndaryn salyp, jumys ornyn ashsa, bazarda jumys jasaıtyndar óndiriske barady.
Almatyda ótken «Kóleńkeli ekonomıka jáne kóshedegi bazar: múmkindikteri men áleýmettik-saıası jáne ekonomıkalyq táýekelderi» dep atalatyn konferentsııada osylaı aıtyldy.
«Bizdiń bazarda jumys jasaıtyndardyń 60-70 paıyzy joǵary bilimdi. Bul joǵary oqý oryndary daıyndaǵan dıplomdy mamandar jumys taba almaǵandyqtan bazarǵa kelip ózin-ózi jumyspen qamtamasyz etip otyrǵanyn kórsetedi», deıdi - «Altyn orda» JShS dırektorynyń orynbasary Altaı Maýsymbaı. Onyń aıtýynsha, bazar basshylary kim qansha taýar ákelip, qansha taýar satqanyn eshqashan sanamaıdy. Statıstıkalyq agenttik tarapynan da olarǵa eshqashan mundaı saýal qoıylǵan joq. Sondyqtan bazarlardaǵy taýar aınalymy týraly málimetter shyndyqqa saı kelmeıdi.
