Bizde ultjandylyq jetispeı jatyr - Amangeldi Aıtaly
ALMATY. Qańtardyń 22-si. QazAqparat /Erlik Erjanuly/ - Memleket quraýshy ultqa eshqandaı elde balama bolmaýy kerek.
Keshe Almatyda tilderdi qoldaný men damytýdyń 2011-2020 jyldarǵa arnalǵan memlekettik baǵdarlamasyn ázirleý jónindegi jumys tobynyń otyrysynda osylaı aıtyldy, dep habarlaıdy QazAqparat.
«Bizge ultjandylyq, ashyq áńgime jetispeı jatyr", deıdi Qazaq gýmanıtarlyq zań ýnıversıtetiniń professory Amangeldi Aıtaly. Fılosofııa ǵylymy doktorynyń aıtýynsha, eń aldymen osy máseleni ashyp almaı, til saıasaty alǵa baspaıdy. Sondyqtan memleket quraýshy ulttyń tiline basymdyq berý - strategııalyq maqsat bolýy kerek.
