Bizde tarıhnama degen ǵylymnyń aty bar, zaty joq - tarıhshy Talas Omarbekov
ALMATY. 16 qarasha. QazAqparat /Erlik Erjanuly/ - Tarıhnama men derektanýǵa baılanysty arnaıy ǵylymı jýrnal shyǵarý kerek. Bul týraly búgin Almatyda «Qazaqstan tarıhy: jańa ǵylymı-ádistemelik kózqaras jáne zertteý nátıjeleri" degen taqyrypta ótken «Temirqazyq» ulttyq sarapshylar klýbynyń otyrysynda aıtyldy.
"Kim bolsa sol kitap jazatyn boldy. Bireýden kóshirip alsa da, tarıhty burmalap jatsa da oǵan qoı deıtin eshkim joq. Oǵan saraptama jasaý úshin "Temirqazyq" klýby sııaqty saraptamalyq birlestik kerek. Biraq bul az, bul jerde shýlap-shýlap taraımyz. Ol kmige kerek. Aıtylady, aıtylady qalady. Qazir bizde birde-bir kásibı jýrnal joq. Bizdiń tanymdyq jýrnaldarda syn aıtatyn retsenzııa degen bólim joq", - deıdi ál-Farabı atyndaǵy Qazaq ulttyq ýnıversıtetiniń professory, tarıh ǵylymynyń doktory Talas Omarbekov.
Ǵalym-oqytýshynyń aıtýynsha, "Temirqazyq" ulttyq sarapshylar klýby tarıhnama men derektanýǵa baılanysty arnaıy ǵylymıy jýrnal shyǵarýdy qolǵa alsa jón bolar edi. Onda jarııalanǵan maqalalar arqyly jaryq kórgen eńbekterge tarıhnamalyq ǵylymy taldaý jasap, soǵan baılanysty usynystar jasaýymyz kerek. Bizde bul baǵyt damymaı qalǵan, dedi ol.
