Bizde rezerv bar - A.Nı
ASTANA. 23 tamyz. QazAqparat - Búgingi tańda bizde jas atletterdiń rezervi qalyptasyp keledi. «QazAqparat» tilshisine suhbat bergen aýyr atletıka boıynsha Qazaqstan quramasynyń bas bapkeri Alekseı Nı osylaı aıtty.
«Bizge respýblıkanyń túkpir-túkpirinen jas ziltemirshiler kelip jatyr. Ózińiz kórdińiz ǵoı, London Olımpıadasynda Almas Óteshev, Anna Nurmuhambetova syndy sportshylar úzdik ondyqqa enip, 5-7-inshi nátıjelerdi kórsetti. Mine, osyndaı jas sportshylar bir jyldan keıin Álem chempıonattarynda júldeli oryndar úshin talasa alady. Sondaı-aq bizde Jazıra Japparqul jáne Ibragım Bersanovtar bar. Olar jastar arasyndaǵy sońǵy Álem chempıonatynda altynmen aptalǵan bolatyn. Osyndaı ziltemirshi qyz-jigitter kóp. Londonnan keıin olardyń bári Álem chempıonatynda, tipti Olımpıadada da jeńiske jetýge bolatyndyǵyn ábden túsindi», - deıdi A.Nı.
