Bizde óndirilgen krıptovalıýta bizdiń bırja arqyly satylýy kerek – Baǵdat Mýsın
«Biz - maınıng salasyn zańdastyrýǵa baǵyt alǵan elmiz. Biraq ony zańdastyryp, kásipkerlik qyzmet retinde tirkelýge kompanııalar asa qulyqty emes. Maınıngpen aınalysyp júrgenimen, kóleńkeli aımaqta júrgen kompanııalar bar. Olar elektr energııasyn paıdalanyp otyr. Biraq jasyryn jumys isteıdi. Sondyqtan, 1 kVt energııa úshin 1 teńge degen baǵa belgilegen bolatynbyz. Ondaǵy maqsatymyz – atalǵan kompanııalardy kóleńkeden shyǵarý», - dedi mınıstr halyq aldyndaǵy eseptik kezdesýinde.
Vedomstvo basshysy elimizde maınıng salasy qazir qatty damyp jatqanymen, salyq tólep jatqan eshkim joq ekenin eskertti.
«Maınıng salasy qazir qatty damyp jatqanymen, onyń qosylǵan qunyn siz de, men de sezinip otyrǵan joqpyz. Óıtkeni salyq tólep otyrǵan joq. Bul salada «myńdaǵan adamnyń jumys istep jatqanyn» kórip otyrǵan joqpyz. Biraq, ınvestıtsııalar kelip jatyr. Atalǵan ınvestıtsııalar árbir qazaqstandyqtyń ıgiligine jumys isteýi úshin úsh nárseni jasaý kerek bolǵan.
Birinshiden, barlyq maınıng fırmalardy zańdastyrypý kerek edi. Ekinshiden, krıptoındýstrııanyń barlyq tabysy maınıng salasynan túsip jatyr. Bıtkoındi osynda jasaǵanymen, shetelde satady. Budan bólek krıptobırja bar. Osy bırjalardy damytsaq, tabys ulǵaıar edi», - deıdi Baǵdat Mýsın.
Ol, sondaı-aq, maınıng óndirisinde tabysy az bolǵanymen, iri krıptobırja quryp, sodan kólemdi salyq alyp otyrǵan elderdi mysalǵa keltirdi.
«Biz eki baǵytta jumys istep jatyrmyz. Birinshi kezekte barlyq maınıng fırmalardy kóleńkeden shyǵaramyz. Eger bul fırmalar Astana Hub mekemesinde tirkelse, 20 paıyzdyq korporatıvtik tabys salyǵynan bosatylady. Al qazir 1 kVT úshin belgilep otyrǵan 1 teńge – sımvoldyq tólem ǵana. Elektr energııasyn óndirýshiler maınıng fırmalaryna qýat bergenimizben, qaıtarymy joq ekenin aıtýda. Maınerler bul sımvoldyq tólem biz kóleńkeden shyqqanan keıin 10 teńge bolyp ketpeı me dep qorqýy múmkin. Men naqty aıtamyn, ondaı kúrt ósim bolmaıdy», - dep snedirdi mınıstr.
Baǵdat Mýsın krıptobırjany zańdastyrý jobasyn Ulttyq bank te maquldaǵanyn atady.
«Astana halyqaralyq qarjy ortalyǵynyń bazasynda krıptobırja qurý múmkindigin jasaımyz. Osydan keıin tolyq sheńber paıda bolady. Bıtkoındy osy elde óndirgender bizdiń bırja arqyly satatyn bolady. Osylaısha krıptobırjadaǵy saýdadan salyq alamyz. ıAǵnı, Qazaqstan krıptobırjadan tabys tabýǵa nıetti. Maınıgke 1 kVT-qa 1 teńge tólem bekitý asa bir tabys ákelmeıdi. 5 mlrd teńgeniń ar jaq-ber jaǵynda túsim bolýy múmkin. Sondyqtan biz krıptobırjany zańdastyrýǵa kúsh salamyz. Osynda óndirilgen krıptovalıýtalar bizdiń bırja arqyly satylýy kerek. Ol úshin Astana halyqaralyq qarjy ortalyǵynyń alańy daıny tur. Atalǵan orataly o basta osyndaı jobalardy iske asyrýǵa arnap ashylǵan bolatyn», - dedi Tsıfrlyq damý, ınnovatsııalar jáne aeroǵarysh ónerkásibi mınıstri.
