Bizde «oqytý sapasy» degendi «4» pen «5-ke» oqıtyn oqýshylar sanynyń paıyzdyq qatynasy dep túsinetin eski uǵym bar - QR BǴM

Bul týraly búgin Astanadaǵy «Bilim berý júıesin jańǵyrtý - adamı kapıtaldyń sapaly ósýiniń basty baǵyty» respýblıkalyq pedagogıkalyq tamyz konferentsııasynda  Bilim jáne ǵylym mınıstri Baqytjan Jumaǵulov málim etti.  

«Bizdiń mektepterde áli kúnge deıin «oqytý sapasy» degendi «4» pen «5-ke» oqıtyn oqýshylar sanynyń paıyzdyq qatynasy dep túsinetin eski uǵym bar. Álemdik tájirıbede bilim sapasy naqty krıterıılerge sáıkes: Bilim - túsiný - qoldaný - júıeleý jáne jalpylaý maqsattary boıynsha baǵalanady. Al, bizdiń muǵalimder «óte jaqsy» degen baǵa sapa ıerarhııasyndaǵy eń tómengi bilim deńgeıi úshin ǵana qoıylatynyn bilmeıdi. Qazirgi oqýlyqtarda tómen deńgeıden joǵary deńgeıge ótýge yqpal etetin deńgeılik tapsyrmalar júıesi joq»,-dedi mınıstr. B. Jumaǵulovtyń paıymdaýynsha, sondyqtan oqýshylardyń UBT-da logıkalyq esepterdi shyǵara almaýy tań qaldyrmaıdy.
PISA zertteýleriniń nátıjesi boıynsha oqýshylarymyzdyń 65 eldiń arasynda 58-shi orynǵa ıe bolýy da osyǵan baılanysty.

«Deńgeılik tapsyrmalar júıesiniń bolýy  oqýshylardyń fýnktsıonaldyq saýattylyǵyn qalyptastyrýdyń basty sharty bolyp tabylady. Osyǵan baılanysty mynadaı tapsyrmalar beremin:
1) Joǵary oqý oryndarynyń rektorlary «Nazarbaev  Zııatkerlik mektepterindegi» naqty krıterıılerge negizdelgen baǵalaý júıesiniń baǵdarlamasyn engizsin. Álemdik tájirıbege sáıkes pedagogıkalyq kvalımetrdiń negizine oqytsyn;

2) Ulttyq testileý ortalyǵy, Ulttyq bilim berý statıstıkasy men baǵalaý  ortalyǵy naqty krıterıılerge negizdelgen baǵalaý tásilderin meńgersin jáne osy baǵyttaǵy  jumysty túbegeıli qaıta qursyn;

3) Y.Altynsarın atyndaǵy Ulttyq bilim akademııasy, «Oqýlyq» ortalyǵy, Ulttyq testileý ortalyǵy ǵylymı negizde baqylaý  jumystaryna arnalǵan kópdeńgeıli tapsyrmalar júıesin (onyń ishinde test  formalaryn) engizsin»,-dep tapsyrdy vedomstvo basshysy.