Bizde Naýryzda perǵaýyndar dáýirinen qalǵan boıalǵan jumyrtqalardy jeý ádeti bar - Egıpet Elshiliginiń attashesi
ALMATY. 21 naýryz. QazAqparat - Egıpette Naýryz merekesinde tek bir kúnge ǵana resmı túrde demalys jarııalanady.
Bul týraly Qazaqstandaǵy Egıpet Elshiliginiń mádenıet jáne bilim jónindegi attashesi Ashraf Darvısh búgin Almatydaǵy Temirbek Júrgenov atyndaǵy Qazaq ulttyq óner akademııasyndaǵy Naýryz merekesin toılaý kezinde aıtty.
«Egıpette Naýryz merekesi 25 sáýir kúni atap ótiledi. Men Qazaqstandaǵy Naýryz toıyna bıyl tuńǵysh ret qatysyp otyrmyn. Oǵan biz de óz úlesimizdi qosyp, ulttyq bıimiz ben asymyzdy usynbaqpyz. Barsha qazaqstandyqtarǵa Egıpet Elshisi atynan ystyq yqylasymdy bildirip, izgi tilegimdi aıtqym keledi. Naýryz - barshańyzǵa tek jaqsylyq ákelsin», - deıdi A.Darvısh.
Mádenı ortalyq dırektorynyń sózine qaraǵanda, Qazaqstandaǵy sııaqty Mysyr elinde de Naýryz merekesinde halyqtyń erteden kele jatqan ulttyq salt-dástúri oryndalady. Máselen boıalǵan jumyrtqalar jeý ádeti munda sonaý perǵaýyndar dáýirinen qalǵan.
