Bizde keıbir rejısserler men akterlerdiń qoıyp jatqan spektaklderi men oınap jatqan obrazdaryna jaýapkershilikpen qaraýy áli de jetpeıdi - dramatýrg Dýlat Isabekov
ALMATY. 13 qańtar. QazAqparat /Erlik Erjanuly/ - Memlekettik syılyqtyń laýreaty, jazýshy, dramatýrg Dýlat Isabekovtyń aıtýynsha, álemdik teatr qozǵalysynda ár pessada akterdi tulǵa retinde qalyptastyrý degen sııaqty mindet qoıylmaıdy.
Teatrda kishkentaı obraz degen uǵym joq. Sondyqtan teatrda qazir jańa tulǵalardyń kóp qalyptaspaı jatýyna búgingi zaman talabyna saı keletin qoıylymdardyń az bolýy óz yqpalyn tıgizip jatyr degen túsinik negizsiz.
«Qozy Kórpesh Baıan sulý», «Qyz Jibek», «Aıman-Sholpan», «Eńlik-Kebek», «Aqan seri Aqtoqty» jáne taǵy basqalar halyqtyń sanasynda qalyptasqan iri tulǵalar, obrazdar. Ony jurttyń bári kórýge yntyǵady. Sol beıneni jasaýǵa talpynady. Rejısser de, akter da sol arqyly ózin kórsetkisi keledi. Ol kerek. Qaragózdi, Jibekti, Baıandy, Qozy Kórpeshti, Qodardy oınamaı kóp akterler jetildim dep aıta almaıdy. Ol - úlken bir mektep. Akterler men rejısserler dramatýrgııanyń ishki ósýine árdaıym múddeli bolýy kerek», deıdi Dýlat Isabekov.
Dramatýrgtyń aıtýynsha, ondaǵy obrazdy ár akter ózine laıyqtap srmdaıdy. Eger de jurtyń bári «Abaıdy» Qalıbek Qýanyshbaev sııaqty, «Japaldy» Serke Qojamqulov sııaqty oınaıtyn bolsa, teatr ózgermeıdi. Sondyqtan da álemdik klassıkanyń ózin ár teatr ózinshe qoıady. Rejısserler barlyq ýaqytta Shekspırdi de, Chehovty da óz zamanyna laıyqtap qoıady. Óıtkeni klassıka ár zamannyń talabyna jaýap bere alatyn bolǵan soń klassıka dep atalady. Odan árkim ózine keregin alady. Keıde ony túrpideı qabyldaıtyndar bar, ózgertip jiberipti dep. Ókinishke oraı birqatar rejısserler men akterlerdiń qoıyp jatqan spektaklderi men oınap jatqan obrazdaryna erekshe jaýapkershilikpen qaraýy áli de jetpeı jatady.
