Bizde qazaq jigitteri bıleıtin bıdi qoıatyn maman joq - Muhtar Qul-Muhammed
ALMATY. Maýsymnyń 7-si. QazAqparat /Erlik Erjanuly/ - Bizde qazaq jigitteri bıleıtin bıdi qoıatyn maman joq. Ony Mádenıet mınıstri Muhtar Qul-Muhammed senbi kúni Almatyda Qazaqtyń Ǵ. Músirepov atyndaǵy akademııalyq balalar men jasóspirimder teatrynda bolǵan kezde aıtty,
dep habarlaıdy QazAqparat.
Teatrda Shyńǵys Aıtmatovtyń "Armanym, Áselim" hıkaıaty boıynsha qoıylǵan "Qyzyl oramaldy shynarym" degen dramanyń premerasy júrip jatqan edi. Instsenırovkanyń jańa nusqasyn jasaǵan qoıýshy-rejısseri, teatrdyń kórkemdik jetekshisi jáne dırektory Talǵat Temenov. Onyń aıtýynsha, bul qoıylymda birneshe debıýtant óz ónerin sátti kórsetip shyqty. Máselen, bılerdi qoıǵan Quralaı Sarqytbaevanyń bul tuńǵysh jumysy bolsa, Aıda Jantileýova (Ásel), Juldyzbek Jumanbaı (Іlııas) men Edil Ramazanovtyń (Baıtemir) alǵashqy basty rólderi. Teatr sahnasyndaǵy tuńǵysh róli bolǵanyna qaramastan Aıda ótken aptada Almatyda ótken ІІІ Ortalyq Azııa elderiniń halyqaralyq teatr festıvalinde "Eń úzdik áıel rólin somdaǵan aktrısa" júldesin jeńip aldy.
"Men bıdi qoıýshy emes, pedagogpyn. Qazaqtyń Abaı atyndaǵy opera jáne balet teatrynda jumys jasaımyn. Bul meniń bı qoıýshy retindegi alǵashqy jumysym boldy. Senip shaqyrǵan teatr basshysy Talǵat Temenovke alǵysym sheksiz. Maǵan qazaqtyń ulttyq bıleri qatty unaıdy. Bizdiń opera jáne balet teatry ulttyq bılerge basa kóńil bóledi. Jalpy qazaq pen qyrǵyzdyń bıleri uqsas. Bul bı qoıylymyn 2-3 aıda daıyndadym. Bul jerde mýzyka da óte tamasha boldy", deıdi Qazaqstannyń eńbek sińirgen qaıratkeri Quralaı Sarqytbaeva.
