Bizde qaıyrymdylyq ınstıtýty damymaı otyr - Áleýmettik qyzmetkerler, múgedekter jáne eriktiler qaýymdastyǵynyń prezıdenti
ALMATY. Qazannyń 18-i. QazAqparat /Erlik Erjanuly/ - Elimizde qaıyrymdylyq ınstıtýt retinde áli rásimdelmegen.
Bul týraly búgin Almatyda ótken "Múmkindigi shekteýli jandarǵa, oralmandarǵa jáne ishki mıgranttarǵa kómek konteksindegi bıznestiń áleýmettik jaýapkershiligi" dep atalatyn dóńgelek ústel jıynynda aıtyldy.
" Naryqtyq qatynastardy damytý kezinde jekemenshik ınstıtýt retinde qalyptasty. Onda arnaıy zańdar, qurylymdar jáne onymen aınalysatyn adamdar bar. Bizde biraq qaıyrymdylyq ınstıtýty áli damymaǵan. Adamdar bul baǵytta jumys istegendi qalaıdy. Qaıyrymdylyq uıymdary, qorlar bar, áıtse de ınstıtýttyq úlgide áli rásimdelmegen. Sońǵy jyldary bul baǵytta túrli basqosýlar bolyp, qaıyrymdylyq qyzmetti zańdyq jaǵynan qamtamasyz etý máselesi kóterilip júr", deıdi Áleýmettik qyzmetkerler, múgedekter jne eriktiler qaýymdastyǵynyń prezıdenti Gúlnur Hakimjanova.
Onyń aıtýynsha, bul saýaldardy qandaı da bir jolmen retteý kerek. Bizge - "Metsenattyq týraly", "Qaıyrymdylyq týraly" zańdar qajet. Ol 2005 jyldan beri talqylanyp kele jatyr. Degenmen ázirge kúshti bir baǵytqa shoǵyrlandyrýǵa qol jetkizilgen joq.
