Bizde kásipkerlerge qoldaýdan góri olardy baqylaıtyn fýnktsııa kóp - Elbasy
ASTANA. 11 qazan. QazAqparat - Bizde kásipkerlerge qoldaýdan góri olardy baqylaıtyn fýnktsııa kóp. Búgin Aqordada elimizdiń ótken 9 aıynyń damý qorytyndylaryna arnalǵan Úkimettiń keńeıtilgen otyrysynda Memleket basshysy Nursultan Nazarbaev osylaı málim etti.
Elbasynyń aıtýynsha, kásipkerlerdi tekseretin sanepıdqadaǵalaýda 12 myńnan astam adam jumys isteıdi. Al Indýstrııa jáne jańa tehnologııalar mınıstrliginde kásipkerler úshin keshenderdi qalyptastyratyn organda bar-joǵy 200 adam qyzmet etedi. «Men 100 ınnovatsııamen jumys týraly tapsyrma berdim. Baǵdarlama jumys istegen ýaqyttan beri tek bir ǵana jobaǵa 100 mıllıon teńgeniń ınnovatsııalyq granty berilgen», - dedi N. Nazarbaev.
