Bizde etnostardyń quqyǵyn kemsitetin birde-bir zań joq - N. Nazarbaev
ASTANA. Qazannyń 20-sy. QazAqparat /Marlan Jıembaı/ - Bizde etnostardyń quqyǵyn kemsitetin birde-bir zań joq.
Búgin Astanadaǵy Beıbitshilik jáne kelisim saraıynda Qazaqstan halqy Assambleıasynyń XVI sessııasnyń ashylýynda sóz sóılegen Elbasy Nursultan Nazarbaev osylaı málim etti.
Prezıdenttiń atap ótýinshe, jalpy halyqtyń erik-jigerimen dúnıege kelgen Assambleıa bedeldi konstıtýtsııalyq organǵa aınalyp otyr. Ol qurylǵan kúnnen bastap el jáne halyq aldyndaǵy jaýapkershiligin kórsete bildi. 1995 jyly Assambleıa búkilhalyqtyq referendýmda elimizdiń negizgi zańynyń qabyldanýyna qoldaý kórsetti.
«Búgin Konstıtýtsııa men Qazaqstan halqy Assambleıasy tek qana teteles emes. Bul turaqtylyq, jańarý, gúldenýdiń irge tasyna aınalǵan eki uly qundylyq. Assambleıany qurý arqyly biz ózimizdiń ulttyq birligimizge ózindik jol taptyq»,- dedi Elbasy.
Bul oraıda etnıkaaralyq jáne konfessııaaralyq keńdiktiń quqyqtyq bazasy qurylǵanyn basa aıtqan Elbasy: «Ol ózine dinı senim bostandyǵy týraly, til týraly, qoǵamdyq birlestikter, Qazaqstan halqy Assambleıasy týraly zańdar júıesin qosady. Bizde etnostardyń quqyǵyn kemsitetin birde-bir zań joq,- dedi N. Nazarbaev.
