Bizde agrarlyq ǵylym deńgeıi tómen - Kúrishbaev
ASTANA. QazAqparat - «Sáken Seıfýllın atyndaǵy Qazaq agrotehnıkalyq ýnıversıteti» AQ basqarma tóraǵasy Aqylbek Kúrishbaev otandyq aýyl sharýashylyǵynyń negizgi kókeıkesti máseleleri jaıly óz pikirimen bólisti, dep habarlaıdy QazAqparat tilshisi.
«Bıylǵy Joldaýdyń basty ereksheligi sol, Elbasy ekonomıkalyq damýdyń jańa modeli - tehnologııalyq jańǵyrýdy usynyp otyr. Bul degenimiz, elimizde ǵylym damıdy, ınnovatsııalar kóbeıedi, adam kapıtalynyń sapasy kóterý. Shetelde júrgende, ásirese, AQSh-qa barǵanda ol memlekettiń qarqyndy damýyna ne sebep boldy dep, oılana bastaısyń. Sosyn onyń barlyǵytabıǵı resýrstar men úlken qarjy bırjalarynan emes, adam kapıtalyn durys damyta bilýdiń arqasynda júzege asyp jatqanyn túsinesiń. Máselen, sońǵy jyldary bolǵan1 0 úlken ǵylymı jańalyqtyń 8-i Amerıkada tabyldy. Sol eldiń ýnıversıtetterinde ashyldy. Sebebi árbir joǵary oqý ornynyń janynda ǵylymı-zertteý ınstıtýttary bar», - deıdi Kúrishbaev.
Osy oraıda ol Avstralııany da mysal retinde keltirdi. Ol jaqta jaýyn-shashyn az bolsa da, bıdaıdyń kólemi de, sapasy da Qazaqstannan eki esege artyq. Óıtkeni úkimet aýyl sharýashylyǵy ǵylymyna erekshe kóńil bólip keledi. Qazaqstanda rekordtyq astyq jınalǵanymen bıdaıdyń sapasy úshinshi surypqa da jetpeı jatady. «Bizde agrarlyq ǵylymnyń deńgeıi túsip ketti, óte qatty túsip ketti. Taǵy bir mysal keltireıin, Gollandııa degen memleket bizdegi Almaty oblysynyń besten bir bóligimen birdeı bolsa da, jyl saıyn 50 mlrd. AQSh dollaryna aýyl sharýashylyǵy ónimderin eksporttaıdy. Al biz, Qazaqstan nebári 3 mlrd. teńgeniń taýarlaryn shetelge satyp otyrmyz», - dep atap kórsetti ýnıversıtet basshysy.
Kúrishbaevtyń oıynsha, búginde ǵalymdardyń jańa formatsııasyn daıarlaý qajet. Sebebi burynǵy ádis-tásilder eskirgen. Al tehnologııalar transferti jaǵynan qıyndyq joq. Búginde eldiń damýyna, sonyń ishinde aýyl sharýashylyǵyn nyǵaıtýǵa qajetti ǵylymı jańalyqtardyń barlyǵy bar. Endi, ony Qazaqstanǵa jetkizýdi durys uıymdastyra bilý kerek.
