#BizBirgemiz: Shymkenttik kásipker óz qaltasynan 20 mıllıon teńge bóldi

NUR-SULTAN. QazAqparat – Kásipker, «Nur Otan» partııasynyń múshesi Qaırat Moldaseıitov koronavırýstyń taralýyna jol bermeý maqsatynda 20 mıllıon teńge bóldi, dep habarlaıdy QazAqparat tilshisi.

«Shymkenttik partııalasymyz karantın jaǵdaıynda kómekke 20 mıllıon teńge bóldi. «Nur Otan» partııasynyń múshesi, jomart kásipker Qaırat Moldaseıitov bul jaıly búgin óz kompanııasy turǵyzǵan turǵyn úı shaǵyn aýdanyndaǵy klınıkanyń ashylýynda habarlady. Kásipkerdiń aıtýynsha, bul jerde kómek eń birinshi kezekte qıyn jaǵdaıda qalý qaýpi zor halyqtyń áleýmettik osal toptaryna kórsetiledi», - dep jazdy partııanyń hatshysy Arman Qyryqbaev Facebooktegi paraqshasynda.

Qazir árkim óz qara basyn kúıtteıtin zaman emes, deıdi Qaırat Moldaseıitov.

«Bul kezeń tipti bıznes úshin de aýyr. Alaıda ózińmen bir qalada turatyn qarttarǵa, kópbalaly jáne áleýmettik az qamtylǵan otbasylardyń aýyr jaǵdaılaryna qalaı nemquraıdy qaraısyń? Bul múmkin emes», - deıdi kásipker.

Ol osynaý ıgi isti elimizdiń ózge qalalaryndaǵy kásipkerlerdiń de qoldap, áleýmettik jaýapkershiliktiń úlgisin kórsetetinine senim bildirip otyr.