#BizBirgemiz: elordadaǵy «Almaty» aýdany ákimdigi chellendjdi qoldady
NUR-SULTAN. QazAqparat - «Almaty» aýdany ákimdiginiń qyzmetkerleri qala turǵyndary jáne qyzmet kórsetýshi uıymmen birge «Biz birgemiz» chellendji aıasynda Mustafın kóshesindegi aýlalyq aýmaqty qardan tazalady, dep habarlaıdy qala ákimdiginiń resmı saıty.
Belsendi qyzmetkerler elorda jastary bastaǵan chellendjdi qostap, #BizBirgemiz heshtegimen ózge de mekemelerdi naýqanǵa qatysýǵa shaqyrdy. Atalmysh shara elorda kóshelerin qardan tazartýǵa jáne kommýnaldyq qyzmet jumysshylaryna qoldaý kórsetýge baǵyttalǵan. Kúni keshe Memleket basshysy Qasym-Jomart Toqaev óziniń Twitter paraqshasynda bastamanyń volonterler jylyna saı ekendigin atap ótip, #BizBirgemiz heshtegimen vıdeo jarııalaý usynysyn qoldaıtyndyǵyn bildirdi.
Aıta ketsek, elorda eriktilerin alǵash qoldaǵandar qatarynda belgili ázil-syqaqshy, telejúrgizýshisi Tursynbek Qabatov, jýrnalıst, telejúrgizýshi Ashat Sadyrbaı, «Nazar aýdar» teatrynyń ártisteri boldy.
