#BizBirgemiz: Aktsııaǵa qaraǵandylyqtar qoldaý bildirýde

QARAǴANDY. QazAqparat - Maska alǵyńyz kelse, tiginshige, volonterge, tárbıeshige baryńyz: Qaraǵandy oblysynyń turǵyndary #BizVirgemiz biryńǵaı respýblıkalyq aktsııasyna qoldaý bildirdi, dep habarlaıdy QazAqparat.

Shahtınsk

Shahtınsk qalasyndaǵy «Balapan» balabaqshasynyń qyzmetkerleri #BizBirgemiz aktsııasyn qoldady. Tárbıeshi Saltanat Jylqybaeva men tárbıeshiniń kómekshisi Elvıra Karbaeva «Erketaı» balabaqshasyndaǵy áriptesterine maskalar tikti.

Qarqaraly

Qarqaraly qalasynda eriktiler az qamtylǵan otbasylarǵa, jalǵyzbasty zeınetkerlerge azyq-túlik, dári-dármek, maskalar taratý boıynsha naýqan ótkizýde.

«Búgin, pandemııa kezinde, meniń oıymsha, árbir azamat bir-birine qamqorlyq jasaýǵa mindetti. Biz birligimizdi saqtaýymyz kerek», - deıdi azyq-túlik dúkeniniń ıesi Saıa Maqasheva.

Jezqazǵan

Jezqazǵanda «Ulaǵat» áıelder ortalyǵy maska daıyndaýǵa tapsyrys qabyldaıdy. Al «Jyly júrek» eriktiler uıymy betperde tigip, olardy jezqazǵandyqtar men qala qonaqtaryna tegin taratady. Sondaı-aq, Naýryz merekesi qarsańynda «Jyly júrek» eriktileri az qamtylǵan otbasylarǵa azyq-túlikpen kómek kórsetti.

Sátbaev

Sátbaev qalasy ákimdiginiń qoldaýymen Sh. Dildebaev atyndaǵy mádenıet jáne shyǵarmashylyq ortalyǵynyń qolónershileri 100-den astam betperde tigip, olardy taratty.

Buqar-Jyraý aýdany

Buqar Jyraý aýdanynyń ortalyq aýyldyq okrýgin jergilikti óndirýshiler maskalarmen jabdyqtaýda. KarATS dırektorynyń m.a. Baýyrjan Qalymovtyń bastamasymen 100 myń teńgege materıal satyp alyndy. Ol óz óndirisiniń jumysshylaryn ǵana emes, Ortalyq turǵyndaryn da maskamen qamtamasyz etti. Sheberler kúnine 300-400 maskadan tigedi, olar birden taratylady.

Aqtoǵaı aýdany

Aqtoǵaı aýdanynyń kásipkeri Daryn Dosmahov sózimen jáne isimee #BizBirgemiz qoldaıdy.

«Qarttar men kóp balaly analarǵa qarjylaı kómek kórseteıik. Koronavırýsty jeńý jáne jahandyq ekonomıkalyq daǵdarysqa qarsy turý úshin ult bolyp birigeıik. Men sondaı-aq #BizBirgemiz aktsııasyna qatysamyn jáne tegin 500 maskalardy taratamyn. Bıznes ókilderin osy sharaǵa qatysýǵa shaqyramyn», - dep jazdy Facebook paraqshasynda Daryn Dosmahov.

#BizBirgemiz jaqsylyq geografııasyn áli de keńeıtedi.