«BizAlmaty» atty qalany damytý jobasynyń qorytyndylary shyǵaryldy
ALMATY. QazAqparat – Búgin Almatyda aýqymdy qalalyq bastamalar festıvali ótti. Іs-sharada qaladaǵy ortany jaqsartý jáne ómir sapasyn arttyrý boıynsha birlesken jumysqa myńnan asa qala turǵynyn, sonymen qatar bılik organdarynyń ókilderin jumyldyrǵan «BizAlmaty» jobasynyń qorytyndylary shyǵaryldy, dep habarlaıdy QazAqparat.
Joba Eýropa odaǵynyń 430 myń eýro mólsherindegi qarjylyq qoldaýymen iske asyryldy. Onyń maqsaty – Almaty qalasyna mádenıet, bıznes jáne azamattyq qoǵamdy baǵdarly damytý arqyly belsendi azamattar qalasyn qalyptastyrý salasyndaǵy 2020 jylǵa deıingi Damý baǵdarlamasyn iske asyrýǵa kómektesý.
«BizAlmaty» jobasyn Brıtandyq Keńesten, Almaty qalasynyń ákimdiginen, Almaty qalasyn damytý ortalyǵynan jáne Qazaqstan-Brıtan tehnıkalyq ýnıversıtetinen quralatyn seriktester odaǵy iske asyrdy.
Úsh jyl ishinde bastama arqasynda ekologııa, bos ýaqytty ótkizý men qalalyq ınfraqurylym salalary boıynsha 10 qoǵamdyq mańyzy bar joba qarjylandyrylyp, Nur-Sultan qalasynda tájirıbeni taratý boıynsha forýmdar men konferentsııalar uıymdastyryldy. Úzdik ıdeıalar avtorlary 5 000 eýro mólsherindegi granttarǵa ıe boldy.
«BizAlmaty» aıasynda «Tazalyk» qaldyqtardy qaıta óńdeý eko-jobasy, qalalyq Saýnd-art laboratorııasy, «S lıýbovıý v kajdoı petelke» atty jasy úlken adamdardyń eńbegin qoldaý jobasy, Qarasý shaǵyn aýdanyndaǵy aqyldy qoǵamdyq keńistik, Botanıka baǵyndaǵy qalalyq ferma, plastık qaldyqtardyń daıyn ónim etip qaıta óńdeıtin Rocket plastic sheberhanasy, Eco-Scan mobıldi qoldanbasy, sonymen qatar «Zaǵıp adamdarǵa yńǵaıly aýdan», «Almaty oazısi», «Citizen Playground (3.0 mıkroklýby)» jobalary iske qosyldy.
«Mindetimiz – ómir súrýge arnalǵan jaıly oryndy qalyptastyrýǵa turǵyndardyń ózderi áser etetin qala bolý jolynda Almatyǵa kómektesý edi. Úsh jyl ishinde «BizAlmaty» jobasy qalalyq belsendiler, bıznes pen jergilikti bılik organdarynyń ózara árekettestiginiń biregeı alańyna aınaldy. Bul festıval aıasynda biz barlyq qatysýshylardyń basyn qosyp, jasalǵan jumystyń qorytyndylaryn shyǵarýdy kózdedik», – deıdi «BizAlmaty» jobasynyń jetekshisi Danııar Muqıtanov (British Council Qazaqstannyń bilim berý jáne áleýmettik baǵdarlamalar bóliminiń jetekshisi).
