Biz jemqorlyq áreketterimen kúreste júıeli jumys jasap otyrǵan joqpyz - Jer resýrstaryn basqarý agenttigi
ASTANA. 10 sáýir. QazAqparat - «Biz jemqorlyq áreketterimen kúreste júıeli jumys jasap otyrǵan joqpyz»,- dep esepteıdi Jer resýrstaryn basqarý agenttiginiń tóraǵasy Qadyrhan Otarov.
Bul týraly ol «Qazaqstan Respýblıkasynyń Jer resýrstaryn basqarý agenttigindegi jemqorlyqpen kúres» atty taqyrypta ótken semınar-keńes barysynda málim etti.
Onyń pikirinshe, jer qatynastary salasyndaǵy jemqorlyqpen baılanysty áreketterdi saraptaı kelgende, osy áreketter júıeli túrde júzege asyrylyp jatqandaı áserde qalasyń.
«Keı jaǵdaıda tipti jaı ǵana ınspektordan bastap, joǵary basshylardyń ózderine deıin osy iske qatysty bolyp shyǵady. Al buny jasap jatqan ózge bireýler emes - ózimiz. Osynyń barlyǵy bizde jemqorlyqpen kúrestiń júıeli túrde júrgizilmeı kele jatqandyǵynyń belgisi. Bul zań talaby. Soǵan qaramastan biz ony talapqa saı atqara almaı otyrmyz»,-dedi agenttik tóraǵasy.
