Biz, jastar árqashan da Elbasymen birgemiz - stýdent
ALMATY. 5 sáýir. QazAqparat /Ádilet Musahaev/ - Saılaý el bolashaǵyn aıqyndaıtyn tańdaý kezeńi. Bul jaıynda Ál-Farabı atyndaǵy QazUÝ-diń geografııa fakýltetiniń 4-kýrs stýdenti Aıbek Qoıshyǵarın QazAqparat tilshisine óz pikirin bildirdi.
«Men bul saılaýda óz daýysymdy elimizdiń tuńǵysh Prezıdenti, Elbasy Nursultan Ábishuly Nazarbaevqa berdim. Sebebi, Elbasynyń arqasynda elimiz qarqyndy damyp, búkil álem aldynda Qazaqstannyń abyroıyn kórsete aldy», -deıdi stýdent.
Sonymen qatar ol Elbasynyń sarabdal saıasatynyń arqasynda qazaqstandyq birlik modeli búkil álem nazaryna túsip, oń baǵaǵa ıe bolǵandyǵyn aıtady. «Nebári 20 jyl ishinde atqarylǵan is az emes. Jetken jetistikterimiz, alǵan asýlarymyzdyń barlyǵy Elbasynyń aıqyn saıasatynyń arqasy. Alda kóptegen maqsattar, atqarylatyn ister bar. Táýelsiz Qazaqstannyń baǵyndyrar belesteri de alda. Osy belesterdi, maqsattardy biz tek Elbasymen birge baǵyndyra alamyz. Biz, jastar árqashan da Elbasymen birgemiz», - deıdi Aıbek Qoıshyǵarın.
