Biz jas almatylyqtardyń jetistikterimen maqtanamyz - Baýyrjan Baıbek
ALMATY. QazAqparat - Almaty qalasynyń ákimi Baýyrjan Baıbek kishkentaı almatylyqtardy kele jatqan Jańa jylmen quttyqtady, dep habarlaıdy QazAqparat tilshisi.
Qazaq memlekettik tsırkinde Almaty qalasanyń ákimi atynan ótken jańa jyldyq shyrshaǵa megapolıs basshysy qatysyp, kishkentaı qonaqtardy quttyqtady.
«Biz únemi jas almatylyqtardyń jetistikteri týraly úlken maqtanyshpen aıtamyz. Sender jyl saıyn halyqaralyq olımpıadalarda, ǵylymı jobalar konkýrstarynda úlken marapattarǵa ıe bolyp kelesińder. Tek 2017 jyldyń ózinde ǵana almatylyq oqýshylar 61 altyn, 76 kúmis, 90 qola medal jeńip aldy. Memleket óz kezeginde senderge únemi qamqorlyq kórsetýde, úzdik bilim alyp, jan- jaqty jetilip ósý úshin barlyq jaǵdaılardy jasaýda. Osynyń barlyǵy senderdiń aqyldy, densaýlyǵy myqty urpaq bolyp qana qoımaı, Qazaqstandy súıýge, ony álemge tanytýlaryńa yqpal etedi, al biz sender úshin maqtanatyn bolamyz. Men búgin senderge júrekteriniń jylýyn usynyp, merekelik kontsertke qatysqan barlyq kishkentaı ártisterge alǵys aıtamyn», - dedi Almaty ákimi.
Aıta keteıik, Almaty ákiminiń jańa jyldyq shyrshasyna 1700-den astam bala qatysty
Qazaq memlekettik tsırkinde ótken jańa jyldyq shyrshaǵa oqý ozattary, balalar úıleriniń tárbıelenýshileri, turmysy tómen otbasylar balalary men múmkindigi shekteýli baldyrǵandar qatysty. Sharada Baýyrjan Baıbek almatylyq oqýshy Danelııa Tóleshovany ýkraındyq «Golos. Ditı» shoýyndaǵy jeńisimen quttyqtady.
«Ár balanyń jetistigi- bul barsha elimizdiń jetistigi. Danelııa, barlyq qazaqstandyqtar sen úshin maqtanady. Saǵan zor tabystar tileımin, daryndy baladan álemdik deńgeıdegi juldyzǵa aınalýyńa tilektespin. Men seniń anań Elenany da quttyqtaımyn. Ár bala jeńisiniń artynda ata- analardyń, ásirese onyń anasynyń zor eńbegi turady», - dedi Baýyrjan Baıbek.
Balalar úshin «Jańa jyldyq ǵajaıyptar» dep atalatyn merekelik baǵdarlamany tsırk artısteri daıyndady, lazer shoýynyń jaryǵymen úıretilgen ańdar, akrobattar, jonglerler, kloýndar jáne basqalary óner kórsetti.
Merekelik shara barysynda qala ákiminiń atynan kishkentaı qonaqtarǵa syılyqtar, sonyń ishinde ata- analary balalaryn baqylap otyratyn elektrondy júıedegi GPS- saǵattar, keńse taýarlary, damytý oıyndary, jumsaq oıynshyqtar, grattaj ben sýretshiler úshin jıyntyqtar, tátti syılyqtar tabys etildi.
