Biz Ystambulda ótetin AÓSShK- niń sammıtine Ózbekstan tarapynyń qatysatyndyǵyna úmittimiz - N. Nazarbaev
TAShKENT. Naýryzdyń 17-si. QazAqparat /Ernur Aqanbaı/ - Qazaqstan aǵymdaǵy jylǵy maýsym aıynda Ystambulda ótkizilýi josparlanyp otyrǵan AÓSShK -niń sammıtine Ózbekstan tarapy qatysady dep úmittenedi. Búgin Tashkentte Ózbekstan Prezıdenti Islam Karımovpen bolǵan keńeıtilgen quramdaǵy kelissózder kezinde Qazaqstan Prezıdenti Nursultan Nazarbaev osylaı málimdedi,
dep habarlaıdy QazAqparat.
«Biz Ózbekstannyń ShYU- ǵa tóraǵalyǵyn oń baǵalaımyz. Aǵymdaǵy jyldyń maýsym aıynda Tashkenttegi samıtten keıin tóraǵylyqtyń Qazaqstanǵa ótetindigin eskere otyryp, biz ShYU- nyń sabaqtastyǵyn jaqtaımyz. Qazaqstan AÓSShK- niń qazirgi tóraǵasy retinde osy úderiske, aǵymdaǵy jyldyń maýsym aıynda Ystambulda ótetin Uıymnyń sammıtine ózbek tarapy qatysady dep úmittenedi», dedi N. Nazarbaev.
Elbasy Qazaqstannyń óńirdegi elderdiń barlyǵy sııaqty Aýǵanstannyń ornyqty damýyna múddeli ekendigin atap kórsetti. «Aýǵan problemasyn óńirdegi shektes memleketterdiń qatysýynsyz sheshý múmkin emes», dedi Qazaqstan basshysy.
