Biz úshin Qazaqstandaǵy saılaý tájirıbesi qyzyq – Belarýs ókili

ASTANA. QazAqparat – Belarýs úshin Qazaqstannyń depýttar saılaýyn ótkizý tájirıbesi qyzyq. Bul týraly Ujymdyq qaýipsizdik sharty uıymynyń áleýmettik-ekonomıkalyq máseleler jónindegi turaqty komıssııasynyń tóraǵasy, Belarýs Respýblıkasy Ulttyq jınalysy ókilder palatasynyń qaýipsizdik jónindegi turaqty komıssııa tóraǵasynyń orynbasary Aleksandr Markevıch aıtty, dep habarlaıdy QazAqparat tilshisi.

«Qazir Qazaqstanda saıası júıkeni jańǵyrtý protsesi júrip jatyr. Bul jolda óte kóp sharýa tyndyryldy. Qazir Parlamenttiń tómengi saılaýy jańa erejemen, jańa sharttarmen ótkeli jatyr. Biz saıası partııalardyń saılaý protsesine belsendi qatysýy úshin úlken jumys júrgizilgenin kórdik. Parlament palatasynyń qurylýy aralas júıe boıynsha ótedi. Bizge kópshilik okrýgter boıynsha qansha kandıdat tirkelgeni týraly sandar kórsetken kezde tirkeýden ótken kandıdattardyń sanyna tań qaldyq. Biz qarapaıym halyqtyń da, kandıdattardyń da eldegi saıası ómirge qatysýǵa yntaly ekenin kórip otyrmyz», - dedi ol Ortalyq saılaý komıssııasynda ótken brıfıngide.

Halyqaralyq toptyń úılestirýshisi Qazaqstannyń bul tájirıbesi jiti zerdelenip, Belarýs elindegi biryńǵaı daýys berý kúnin ótkizý kezinde eskeriletinin atap ótti. Aıtýynsha, ol saılaýda da Belarýs parlamentiniń tómengi palatasy men jergilikti keńes depýtattary saılanady.

UQShU mıssııasynyń quramynda Armenııa, Belarýs, Reseı, Tájikstan, Qyrǵyzstan ókilderi bar.