Biz úshin Qazaqstandaǵy aıtýly sporttyq merekege qatysý úlken qurmet-E. Naqypbekova
ALMATY. 7 aqpan. QazAqparat /Názıra Eleýhan/ - Biz úshin Qazaqstandaǵy aıtýly sporttyq merekege qatysý úlken qurmet.
Bul týraly Ulybrıtanııadan arnaıy Almatyǵa kelgen pıanınıst Eleonora Naqypbekova men Londonnyń Koroldyq orkestriniń dırıjery Marıýs Stravınskıı QazAqparat tilshisine bergen suhbatynda aıtty.
"Aq Azıada - mańyzdy, iri halyqaralyq oqıǵa. Azııa oıyndary aıasynda "Mádenı Azıada" jobasynyń ótkizilip jatqandyǵyna qýanyshtymyz. Sport pen mádenıet - álemdegi eń úzdik elshi bolyp tabylady. Biz osy aıtýly sport merekesine qatysyp jatqanymyzǵa qýanyshtymyz",- dedi Eleonora Naqypbekova.
Al, Marıýs Stravınskıı: "Men árqashan elime qýanyshpen kelemin. Óıtkeni, Qazaqstan - meniń Otanym. Bul sporttyq sharaǵa arnaıy kelip, óz ónerimdi qazaqstandyq sportshylarǵa arnaımyn jáne barlyǵyna qoldaý bildiremin. Ásirese, ózim taý shańǵysy men hokkeıdi jaqsy kórgendikten olarǵa jeńis tileımin", - dedi.
Eleonora Naqypbekova sonymen qatar, Londondaǵy qazirgi qyzmetterimen bólisti. "Qazir men kontserttik jumystarmen qatar, talantty jas balalarmen aınalysýdamyn. Qazir olardyń ekeýi stıpendııa alyp, Itondaǵy jeke mekteptiń oqýshylary atanǵandyǵyna qýanyshtymyn. Men qazir sol mektepte aptasyna bir ret dáris beremin. Aldaǵy ýaqytta óz mektebimdi, mýzyka akademııasyn ashýdy josparlap otyrmyn",-dedi ol.
2010 jyly jeltoqsan aıynda Londonda Eleonora Naqypbekovanyń uıymdastyrýymen elimiz Táýelsizdiginiń 19 jyldyǵyna arnalǵan VII Kazakh-Gala kontserti ótken bolatyn. Osyǵan baılanysty ol bıyl da kontsert ótetinin aıtty. "Biz qazirdiń ózinde kontsertke daıyndyqty bastap kettik. Ol kontsert Táýelsizdigimizdiń 20 jyldyǵyna arnalatyn bolady", - dedi E. Naqypbekova.
