Biz teńbiz: Elordada sal aýrýyna shaldyqqan balalar ózin-ózi basqarý kúnin ótkizdi
NUR-SULTAN. QazAqparat - BUU Balalar qory bekitken «Áleýmettik ádildik pen áleýmettik teńdik» kúnine oraı «Qasıetti jol» qaıyrymdylyq qory erekshe balalardyń qamqorshysy retinde «Biz teńbiz» dep atalatyn ózin-ózi basqarý kúnin ótkizdi, dep habarlaıdy QazAqparat.
Shara barysynda Ońaltý ortalyǵynda em alyp júrgen balalar maman retinde qyzmet kórsetse, kelgen qonaqtar patsıent rólin oınady.
«Ońaltý ortalyǵynyń qonaqtaryn Óskemen qalasynan kelgen Alıhan meıirger retinde qarsy alyp, ortalyq týraly aqparat berdi. Keıin «patsıentter» nevrapotolog «dárigerler» ıÝra men Ernurdyń keńesin aldy. Kelesi kabınette olardy Sanjar esimdi «psıholog» kútip otyrdy. Balalar defektolog, logopet bolyp ta kórdi. Jer basyp júrgen árbir adam qoǵamnyń belsendi múshesi. Basqa adamdardyń erekshe jandardy kemsitip, teris kózqarasta bolýy – sol adamnyń kemdigi dep túsiný kerek», - deıdi Ońaltý ortalyǵynyń baspasóz hatshysy Jadyra Dáýletova.
Bul is-shara ıÝNISEF uıymy bastaǵan #itsAllAboutAbility bastamasyn qoldaı otyryp uıymdastyrylǵan.
Eske sala ketsek, «Qasıetti jol» qoǵamdyq qaıyrymdylyq qory 2011 jyldan bastap sal aýrýyna shaldyqqan balalarǵa ońaltý qyzmetin kórsetip keledi. 2014 jyly Qordyń «Qasıetti jol» dep atalatyn alǵashqy Ońaltý ortalyǵy ashyldy. 2017 jyly «Balapan» erte aralasý ortalyǵy men «Kzhol Shymkent» ońaltý ortalyqtary ashyldy. Búgingi tańda 3 ortalyq birige otyryp jylyna 1560 balany keshendi medıtsınalyq ońaltýdan ótkizedi.
