Biz tek Prezıdentimizben birlesip qana damyǵan, ósip-órkendegen, bolashaǵy zor memleket qura alamyz -depýtat ıÝ. Kýbaıchýk
ASTANA. 3 aqpan. QazAqparat /Aıdar Ospanalıev/ - «Biz tek Prezıdentimizben birlesip qana damyǵan, ósip-órkendegen, bolashaǵy zor memleket qura alamyz», - deıdi Senat depýtaty ıÝrıı Kýbaıchýk. Bul pikirin ol búgin Parlament Senatynyń jalpy otyrysynda bildirdi.
Onyń sózine qaraǵanda, Qazaqstan halqy Prezıdentimiz Nursultan Nazarbaevtyń Memleket basshysy retindegi moraldyq qasıetteriniń myqty ekendigine jáne onyń demokratııalyq ustanymdarǵa beriktigine taǵy bir márte kóz jetkizdi.
«Memleket basshysynyń ókilettigin uzartý jónindegi qalyń kópshiliktiń bastamasyna jáne osy usynysqa degen óziniń moraldyq jáne zańdyq quqynyń bar ekendigine qaramastan Prezıdent mundaı qadamǵa barmady. Elbasynyń kóregendi basshylyǵynyń arqasynda elde ekonomıka, saıasat, bilim, áleýmettik salalarda kólemdi de radıkaldy reformalar júrgizildi. Nátıjesinde álem qazaqstandyq damý joly týraly aıta bastady. Qazaqstan Respýblıkasynyń Konstıtýtsııasyna engizilgen túzetýler elimizdiń turǵyndaryna kezekten tys saılaý arqyly turaqtylyq pen qarqyndy damýǵa, ekonomıkany túrlendirý men joǵary ómir sapasyna daýys berýlerine jaǵdaı jasaıdy»,-dedi senator.
